राजविराज, १६ असोज। जनता समाजवादी पार्टीका अध्यक्ष उपेन्द्र यादवले संविधान संशोधनको विकल्प नभएको वताएका छन् ।
सप्तरीको बोदे बरसाईन नगरपालिका–५ बरसाईन बजारमा आयोजित कार्यक्रर्ता भेटघाट कार्यक्रमलाई सम्वोधन गर्दै उनले यस्तो वताएका हुन । नेपालको संविधान त्रुटिपूर्ण रहेकाले समय सापेक्ष परिमार्जन र संशोधनको विकल्प नरहेको उनको भनाई छ ।
त्रुटिपुर्ण ब्यवस्थाकै कारण लागु भएको यति लामो समयसम्ममा पनि संविधान सर्वस्किार्य हुन नसकेको वताएका यादवले संघियताको मर्मलाई आत्मसाथ गर्न पनि यसलाई सच्याउनुको विकल्प नरहेको वताए । त्रुटि र कमजोरीलाई सच्याएर राम्रा पक्षलाई संस्थागत गर्दै जानु पर्ने उनको सुझाव छ ।
कार्यक्रममा प्रदेश २ का भुमि व्यवस्था, कृषि तथा सहकारी मन्त्री सैलेन्द्रप्रसाद साह, राष्ट्रिय सभा सदस्य शेखर सिंह, प्रदेश सांसादहरु मनिषकुमार सुमन, विदेश्वर प्रसाद यादव (विक्कि), नेत्र बिक्रम साहसहित स्थानीय तहका जनप्रतिनिधि र पार्टीका नेता÷कार्यकर्ताको उपस्थिती थियो।
यसअघि अध्यक्ष यादवले पार्टीका केन्द्रिय सदस्य स्वर्गीय हरि राय यादवको घरमा पुगेर श्रद्धाञ्जली अर्पण गरेका थिए ।