अशोक शर्मा
सखडा, ६ असोज। सप्तरीको छिन्नमस्ता गाउँपालिका ३ गोविन्दपुरकी एक महिलाले सोमवार राती आत्महत्या गरेकी छिन् ।
रामटोल वस्ने आशोक रामकी पत्नि ३० वर्षिया सनिचरी देवी रामले आफनो घरको धरिनमा सलको पासो वनाई झुण्डिएर आत्महत्या गरेको प्रहरीले जनाएको छ।
सासु र ४ छोरीसहित घरमा वसेकी थिईन । सोमवार साँझ खाना खाएर सुत्ने वेलामा सासुसँग सनिचरीको झगडा भएको स्थानीयले जानकारी दिएका छन् । सोहि झगडाका कारण उनले आत्महत्या गरेको हुन सक्ने प्रहरीले पनि अनुमान गरेको छ । तर, झगडाको विषय भने खुलाईएको छैन ।
विहान करिव ५ वजे उनलाई झुण्डिरहेको अवस्थामा परिवारका सदस्यले फेला पारेका थिए ।
पति अशोक राम भने वैदेशीक रोजगारीका लागि डेढ वर्षअघि नै मलेसीया गएका छन् ।
सनिचरी अशोककी दोस्रो पत्नि हुन् । २ छोरीको जन्म भएपछि पहिलो पत्निको मृत्यु भएको र अशोकले उनकै वहिनी सनिचरीसँग विवाह गरेका थिए ।
सनिचरीतर्फ अशोकका १२ वर्ष मुनिका २ छोरी रहेको ईलाका प्रहरी कार्यालय सखडाका सई रामवालक ठाकुरले जानकारी दिए ।
मृतकको शवलाई पोष्टमार्टमका लागि राजविराज स्थित गजेन्द्रनारायण सिंह अस्पताल पठाईएको सई ठाकुरले वताए ।