न्यूज टुडे
राजविराज,०१ बैशाख ।
महगु लेखी बृद्दाश्रमद्वारा प्रजातान्त्रिक योद्धा, संचारकर्मी तथा ज्येष्ठ नागरिक गरि तीन दर्जनबढी व्यक्तित्वलाई सम्मान गर्ने भएको छ । सप्तरीको सप्तकोशी-५ गंङ्गाजलीमा स्थित महँगु लेखी बृद्धाश्रममा विहिबार आयोजित एक समारोहका वीच उनीहरुलाई सम्मान गरिने भएको हो ।
बहुदलीय व्यवस्था र प्रजातन्त्रका लागि निरंकुश पञ्चायती व्यवस्थाको बिरुद्धको आन्दोलनमा सहभागी भई जेलनेल र हिरासतमा यातना भोगेका सप्तरी -१ का प्रजातान्त्रिक योद्धाहरु, सञ्चारकर्मी(सम्पादक)हरु र ज्येष्ठ नागरिकलाई सम्मान गरिने मधेश प्रदेश सभा सदस्य तथा निवर्तमान गृह,सञ्चार तथा कानुनमन्त्री एवम् आश्रमका संरक्षक राजकुमार लेखीले बताए ।
उनीहरुलाई मधेस प्रदेशका सभामुख रामआशिष यादवले दोसल्ला ओढाएर सम्मान गर्ने कार्यक्रम रहेको लेखीले बताए ।
कार्यक्रममा विभिन्न क्षेत्रका विशिष्ट व्यक्तित्वहरुको उपस्थिति रहने आयोजकले जनाएको छ ।
