न्यूज टुडे
राजविराज, २१ असार ।
संसद् अवरोधले मिटर ब्याज सम्बन्धी अध्यादेश निष्क्रिय भएपछि मिटरब्याज पिडितले राजविराजमा बिहिवार एमाले विरुद्ध प्रदर्शन गरेका छन् । जिल्लाका विभिन्न स्थानबाट सदरमुकाम राजविराज आएर पीडितहरूले एमाले बिरुद्व विभिन्न नारा लगाउँदै विरोध प्रदर्शन गरेका हुन ।
स्थानीय शिव मन्दिरबाट निकालिएको र्याली राजविराज नगरपालिकाको विभिन्न भाग परिक्रमा गरेको छन् । मिटरब्याजी पीडित संघर्ष समितिको आह्वानमा गाउँ–गाउँबाट पीडितहरू सदरमुकाम पुगेर संसद् अवरोध गरेर मिटर ब्याज सम्बन्धी अध्यादेश निष्क्रिय बनाउने एमाले बिरुद्व प्रदर्शन गरेका छन् ।
मिटरब्याजी संरक्षक एमाले मुर्दाबाद ,नेपाल सरकार जिन्दाबाद ,मिटरब्याजी पिडितलाई न्याय दे लगायतका विभिन्न नारा लेखिएको प्लेकार्ड बोकेर नारा लगाउँदै पीडितहरूले जुलुस प्रदर्शन गरेका छ्न ।