Top_Header_Right_Add

जिल्ला प्रशासन र इलाका प्रशासनका २/२ सहित थप १० जनालाई कोरोना संक्रमण

जिल्ला प्रशासन र इलाका प्रशासनका २/२ सहित थप १० जनालाई कोरोना संक्रमण

राजविराज, ६ कार्तिक। जिल्ला प्रशासन कार्याल सप्तरी र इलाका प्रशासन कार्यालय कञ्चनपुरमा २/२ जना सहित विहिवार थप १० जनालाई कोरोना संक्रमण पुष्टि भएको छ ।

गजेन्द्रनारायण सिंह अस्पतालले सार्वजनिक गरेको रिपोर्ट अनुसार जिल्ला प्रशासन कार्यालयको मुद्दा फाँटका इन्चार्ज (नायव सुब्वा) र प्रशासन फाँटमा कार्यरत कम्प्युटर अपरेटरलाई संक्रमण पुष्टि भएको हो ।

हरेक शाखाका कर्मचारीमा कोरोना संक्रमण देखिन थालेपछि कार्यालयको मुद्दा र प्रशासन फाँटवाहेक अन्य फाँटका सेवा वन्द गरिएको थियो । विहिवारको रिपोर्ट अनुसार खुल्ला रहेका दुवै फाँटका कर्मचारीलाई समेत संक्रमण देखिएको कार्यालय श्रोतले जनाएको छ ।

यसैगरी इलाका प्रशासन कार्यालय कञ्चनपुरका कार्यालय प्रमुखसहित २ जना र वैदेशीक रोजगार फाँटमा कार्यरत एक जनालाई संक्रमण पुष्टि भएको छ । कार्यालयका ५ कर्मचारी मध्ये २ जनाको रिपोर्ट निगेटिभ आएको छ। एक जनाले सुनसरीवाट स्वाव परिक्षण गराएको र उनको रिपोर्ट आउन वाँकी रहेको एक कर्मचारीले जानकारी दिए ।

दुई दिनअघि कार्यालयका कर्मचारीलाई कोरोनाको लक्षण देखिएपछि मंगलवार जिल्ला प्रशासन कार्यालय मार्फत उनीहरुको स्वाव परिक्षण गराईएको थियो । जिल्ला प्रशासन कार्यालयमा स्वाव संकल गरिएका ५१ जना मध्ये १० जनालाई संक्रमण पुष्टि भएको स्वास्थ्य कार्यालय सप्तरीले जनाएको छ ।

यसैगरी, शम्भुनाथ नगरपालिका ८ का महिला, राजविराज ५ का ६५ वर्षिय पुरुष, राजविराज २ का ११ वर्षिया वालिका, राजविराज ८ का २८ वर्षिय पुरुष र हनुमाननगर कंकालिनी नगरपालिका १ का ४२ वर्षिय पुरुषलाई संक्रमण देखिएको स्वास्थ्य कार्यालयका निमित्त प्रमुख दुनियाँलाल यादवले जानकारी दिए ।

योसँगै सप्तरीमा कोरोना संक्रमितको संख्या १५ सय ३२ पुगेको छ ।

यसैगरी, विहिवार ४ महिलासहित १८ जना निको भएका छन्। योसँगै कोरोना संक्रमण जित्नेका संख्या १२ सय ९३ पुगेको छ ।सप्तरीमा हालसम्म कोरोना संक्रमणका कारण २३ जनाको मृत्यु भएको छ।

विहिवार साँझसम्म जिल्लामा सक्रिय संक्रमितको संख्या २१६ छ।

Classified Saptari Buy and Sell in Saptari

About The Author

News Portal Web design in Saptari Offer