Top_Header_Right_Add

कोरोनाका कारण होम आईसोलेसनमा वसेकी महिलाको मृत्यु

कोरोनाका कारण होम आईसोलेसनमा वसेकी महिलाको मृत्यु

राजविराज, २९ असोज। सप्तरीमा कोरोना संक्रमणवाट थप एक जनाको मृत्यु भएको छ । कञ्चनरुप नगरपालिका– २ बरमझियाकी ४६ वर्षीया महिलाको विहिवार विहान ५ वजे घरमै मृत्यु भएको हो ।

करिब १५ दिन अघि सिकिस्त बिरामी भएपछि उनलाई बिराटनगर स्थित गोल्डेन हस्पिटलमा भर्ना गरिएको थियो । परिक्षणका क्रममा क्यान्सर, आन्द्रामा घाउ र फोक्सोमा पानी जमेको रिपोर्ट आएपछि थप उपचारका लागि धरान स्थित बीपी कोइराला स्वास्थ्य विज्ञान प्रतिष्ठान रेफर गरिएको थियो ।

सोहि क्रममा असोज २६ गते गरिएको पीसीआर परीक्षणमा उनको रिपोट पोजेटिभ आएको थियो । अस्पतालले उनलाई वचाउने सम्भावना कम देखेपछि घरमै राखेर निगरानी गर्न भनेको थियो । उनलाई असोज २७ गते घर ल्याएर स्वास्थ्यकर्मीहरुको निगरानीमा राखिएको थियो । होम आइसोलेसनमै रहेका वेला विहिवार विहान उको मृत्यु भएको कंचनरुप नगरपालिकाको स्वास्थ्य शाखाका डम्वर गुप्ताले जानकारी दिए ।

योसहित सप्तरीमा कोरोना संक्रमण भएर मर्नेको संख्या ४ महिलासहित २३ पुगेको छ ।

Classified Saptari Buy and Sell in Saptari

About The Author

News Portal Web design in Saptari Offer