राजविराज, २५ असोज। सप्तरीको राजविराज स्थित राष्ट्रिय बाणिज्य बैंक लिमिटेडका थप ५ जना कर्मचारीलाई कोरोना संक्रमण पुष्टि भएको छ । गत वुधवार २ जना कर्मचारीलाई संक्रमण पुष्टि भएपछि कार्यालयका सवै कर्मचारी, सुरक्षा गार्ड र सवारी चालक समेतको स्वाव परिक्षण गरिएको थियो ।
गजेन्द्रनारायण सिंह अस्पतालले शनिवार सार्वजनिक गरेको रिपोर्टमा परिक्षण गराएका मध्ये थप ५ जनाको रिपोर्ट पोजेटिभ आएको शाखा प्रवन्धक उमेश नेपालले जानकारी दिए । यो सहित वैंकका ७ जना कर्मचारी संक्रमित भएको उनको भनाई छ । अन्य कर्मचारीको रिपोर्ट भने नेगेटिभ आएको उनले वताए ।
वुधवार २ जना कर्मचारीलाई संक्रमण पुष्टि भएदेखिनै वैंकको कारोवार वन्द गरिएको थियो । आईतवार कार्यालयलाई सेनेटाईज गरिएको र सोमवारदेखि कारोवार संचालन हुने नेपालले वताए ।
वाणिज्य वैंकमा स्वाव संकलन गरिएका अन्य विभिन्न कार्यालयका थप ८ जना कर्मचारी पनि संक्रमित भएको उनले जानकारी दिएका छन् ।