राजविराज, १५ भदौ। सप्तरीमा कोरोनाको लक्षण भएका एक युबकको मृत्यु भएको छ।
कञ्चनरुप नगरपालिका १० बदगामाका २५ वर्षीय युवकको आइतबार राति मृत्यु भएको हो । उच्च ज्वरो र झाडापखालाको लक्षण देखिएका युवकको आइतवार साझ मृत्यु भएको नगरपालिकको स्वास्थ्य शाखाले जनाएको छ ।
उनलाई करिव एक सातादेखी ज्वरो र पखला लागेको थियो।
आइतबार अवस्था गम्भीर भएपछि उनलाई उपचारका लागि राजबिराज स्थित गजेन्द्रनारायण सिंह अस्पताल राजविराज ल्याइएको थियो । त्यहाँबाट बिराटनगर लादै गर्दा बाटोमा अबस्था थप बिग्रीएकाले सुनसरीको इनरुवा अस्पतालमा भर्ना गर्न लाग्दा राती सवा ८ बजे उनको मृत्यु भएको कञ्चनरुपको स्वास्थ्य शाखाका सहसंयोजक डम्बर गुप्ताले जानकारी दिए ।
युवकको शवलाई घर ल्याइएको छ। शब ब्यवस्थापनको तयारी भैरहेको उनले बताए । युबकलाइ कोरोना संक्रमण हुन सक्ने आशंकामा स्वाब सङ्कलन गरि परिक्षणका लागि गजेन्द्रनारायण सिंह अस्पताल राजविराज पठाइएको छ। उनको रेखदेख गरिरहेका आमा, भाइ र एकजना आफन्तको पनि स्वाब परिक्षणका लागि पठाइएको गुप्ताले जानकारी दिए।