राजविराज, १२ भदौ। सप्तरीमा शुुक्रवार १ जना कोरोना संक्रमित थपिएका छन्।
गजेन्द्रनारायण सिंह अस्पताल राजविराजले सार्वजनिक गरेको रिपोर्ट अनुसार तिलाठि कोईलाडि गाउँपालिका ३ का ४२ वर्षिय पुरुषलाई कोरोना संक्रमण पुष्टि भएको हो।
अस्पतालले विहिवार साँझ र शुक्रवार २५५ जनाको रिपोर्ट सार्वजनिक गरेको थियो। जसमा १ जना पोजेटिभ र अन्य २५४ जनाको रिपोर्ट नेगेटिभ आएको स्वास्थ्य कार्यालय सप्तरीले जनाएको छ ।
योसहित सप्तरीमा कोरोना संक्रमितको संख्या ७७५ पुगेको छ । जसमध्ये ५ जनाको मृत्यु भएको छ भने ५७६ जना उपचारपछि डिस्चार्ज भएका छन्।
१९३ जना आईसोलेसनमा रहेको कार्यालयका कर्मचारी नारायण राउतले जानकारी दिए।