पर्सा, २६ मंसिर । संयुक्त लोकतान्त्रिक मधेसी मोर्चाको आह्वानमा बन्दको १२० औं दिनसम्म पनि राज्यसत्ताले मधेसको मागलाई सम्बोधन नगरेको भन्दै आन्दोलनलाई थप कडा बनाउन पर्सा मोर्चा जुटेका छन् ।
आन्दोलनलाई थप सशक्त बनाउन बारा, पर्सा, रौतहट लगायत तराई मधेसका जनतालाई नेपाल–भारतको मितेरी पुलमा आयोजित धर्नामा सहभागी हुन आह्वान गरेको छ । किसान, बुद्धिजिवि, शिक्षक, विद्यार्थी, कर्मचारी, व्यवसायी, सञ्चारकर्मी लगायत सबै पक्षलाई आन्दोलनमा जुट्न संघीय समाजवादी फोरम नेपाल र संयुक्त लोकतान्त्रिक मधेसी मोर्चाले अनुरोध गरेको छ ।
धर्नास्थलमा मोर्चाको तर्फबाट जाग्रामका लागि टेन्ट, ओछ्यान र दाउराको भरपुर व्यवस्था गरेको भन्दै धर्नास्थलमा आएर सहभागिता जनाउन आग्रह गरिएको छ । आन्दोलनलाई सशक्त पार्ने उदेश्यले शनिवारबाटै संघीय समाजवादी फोरम नेपालका नेता अजय चौरसियाको नेतृत्वमा बस, ट्याक्टर, ई–रिक्सासहित पैदल हजारौँ मधेसी जनताको सहभागितामा मितेरीपुलमा पुगेर आन्दोलनमा मधेसी जनताले सहभागिता समेत जनाएका छन् ।
वीरगञ्जको राधेमाई, मुरली, श्रीपुर, पिपरा लगायतको स्थानिय किसान, कर्मचारी, व्यवसायीलगायतको सहभागितामा निकालिएको ¥याली मितेरी पुलमा पुगेर धर्नामा सहभागी भएका छन् । धर्नास्थलमा संघिय समाजवादी फोरम नेपालका जिल्ल अध्यक्ष प्रदिप यादव, महासचिव रामसाह यादव, केन्दी्रय सदस्य रामकिसोर यादव, करिमा बेगम, सदभावना पार्टिका केन्द्रीय सदस्य निजामुदिन समानि लगायतकाले स्वागत गरेका छन् ।