रामनाथ यादव
राजविराज, १४ चैत ।
सप्तरीको तिलाठी कोईलाडी गाउँपालिका ७ स्थित कट्टीमा गाउँपालिका स्तरीय टि– २० क्रिकेट प्रतियोगिता संचालन गरिएको छ ।
तिलाठी कोइलाडी गाउँपालिकाको आयोजना तथा सप्तरी क्रिकेट संघको समन्वयमा प्रतियोगिता आयोजना गरिएको हो । मंगलबारदेखि सञ्चालित गाउँपालिका स्तरीय टी ट्वान्टी क्रिकेट प्रतियोगितामा वडा नम्बर १ तिलाठीले विजयी सुरुवात गरेको छ । तिलाठीले वडा नम्बर ८ तोपालाई ५२ रनले पराजित गर्दै जित हाँसिल गरे । टस जितेर ब्याटि· गरेको तिलाठीले निर्धारित २० ओभरमा ७ विकेट गुमाई १ सय ५८ रन बनाएको थियो । जसमा शिव कामैतले चार छक्काको मद्तले ४६ बलमा ६१ रन बनाए भने आशिकमिश्रले २२, मुकेश यादवले १८ र राजकुमार यादवले १२ रन बनाएका थिए ।
तोपाका लागि भरत दासले २ तथा दिपेन्द्र मण्डल, सुनिल यादव र रविन्द्र मण्डलले १÷१ विकेट लिए । जितकोलागि १ सय ५९ रनको लक्ष्य पछ्याएको वडा नम्बर ।८ तोपा टिमले २० ओभरमा ८ विकेट गुमाई १ सय १ रन मात्र बनाउन सक्यो भने पेनाल्टीको रुपमा पाँच रन थपपाएको थियो । तोपाका लागि भरत दासले सर्वाधिक १४ रन बनाए भने चन्द्र भुषण मण्डल, सुनिलयादव र धनराज मण्डलले समान १२÷१२ रनको योगदान दिएका थिए ।
तिलाठीको लागि चन्दन झा, सुनिल यादव र कारी झाले २÷२ विकेट लिए भने मिथुन यादव र शिव कामैतले १÷१ विकेट हातपार्दै आफ्नो टिमलाई विजयी गराउन सफल भए । उक्त खेलमा वडा नम्बर १ तिलाठीका शिव कामैतलाई म्यानअफ द म्याचको पुरस्कार प्रदान गरियो ।
प्रतियोगिताअन्तर्गत बुधबार पहिलो खेल वडा नम्बर २ लौनियाँ र वडा नम्बर ४ कोइलाडी बीच हुनेछ भने दोस्रो खेल वडा नम्बर ३ सकरपुरा र वडा नम्बर ५ को. बर्साइन बीच हुने प्रतियोगिता संयोजक ज्ञानेन्द्र कुमार यादवले बताए ।
यसअघि तिलाठी कोइलाडी गाउँपालिकाका अध्यक्ष अरुण कुमार मण्डलको अध्यक्षतामा आयोजित उद्घाटन समारोहमा प्रमुख प्रशासकीयअधिकृत सुरेन्द्र कुमार यादव, वडा अध्यक्षहरु दिनेश्वर मिश्र, ललनप्रसाद राउत र सत्यनारायण यादवले मन्तब्य ब्यक्त गरे । कार्यक्रमको संचालन गाउँपालिकाका कार्यक्रम अधिकृत राजेश कुमार झाले सञ्चालन गरेका थिए ।