न्यूज टुडे
काठमाडौ,२१ भदौ ।
मधेसी आयोगका अध्यक्ष जीवछ साहले राष्ट्रिय जनगणनामा थर उल्लेख नहुँदा गणकहरुको बदमासीले हलुवाई जातिको सही तथ्यांक आउन नसकोको बताएका छन् । हलुवाई समाज नेपाल द्वारा काठमाडौको नयाँ बाँनेश्वर स्थित सनराइज क्याफेमा आइतबार आयोजित उपत्यका भेलालाई सम्बोधन गर्दै उनले यस्तो बताएका हुन् ।
कार्यक्रमलाई सम्बोधन गर्दै अध्यक्ष साहले जनगणनामा साह सरनेम पछि अनिवार्य हलुवाई लेख्नु पर्नेमा जोड दिए । उनले थरमा हलुवाई नलेखाउने कारणले गणकले मनपर्दी गर्दा जनसंख्यामा हलुवाई जातिको संख्या कमी देखिएको बताए ।
कार्यक्रममा प्रमुख अतिथि हलुवाई समाजका संस्थापक अध्यक्ष शिव नारायण साह ( सुरज) ले संगठनको संरचना, जातीय उत्थान र यस जातिलाई आदिवासी जनजातिमा सुचिकृत गर्नुपर्ने माग सरकार संग राख्दै संस्थाको हितको लागि काठमाडौमा छरिएर रहेका जातिलाई एकजुट हुन आव्हान गरे ।
बाबा गणिनाथ गोविन्द पूजा समितिका उपाध्यक्ष प्रजेश साहले देशभरी छरिएर रहेका यो जातिको संगठनहरु एक हुनपर्ने बताए । बायुसेवा निगमका प्रबन्धक गौरी शंकर साहले यो जातिको नामाकरण पेशाको आधारमा गरिएको बताए ।
मेलाम्ची खानेपानी आयोजनाका सिनियर डिभिजन इन्जिनियर संजीव कुमार साहले आज गरिएको कार्यक्रमले काठमाडौ उपत्यका भित्र रहेका स्वजातिसंग भेट्न पाउँदा खुशी व्यक्त गरे । प्रोफेसर प्रदीप साहले केही व्यक्ति संस्थाले हाम्रो जातिको विषयमा यतिका दिन सम्म हामीलाई अन्योलमा राखेकोमा हलुवाई जातिलाई एकताबद्व हुन आग्रह गरे ।
वसन्त साहद्वारा संचालित कार्यक्रममा स्वागत बिल्टु साहले गरेका थिए ।
काठमाडौं संयोजक जीवछ साहको अध्यक्षतामा आयोजित कार्यक्रममा काठमाडौ, भक्तपुर, ललितपुरका हलुवाई जातिहरुको सहभागिता थियो ।
भेलाले जिवछ साहको अध्यक्षतामा १५ सदस्यीय उपत्यका समिति गठन गरेको छ ।
गठित समितिको महिला उपाध्यक्षमा प्रभा साह,उपाध्यक्षमा विल्टु साह,सचिबमा राजेश गुप्ता र कोषाध्यक्षमा अनिल साह चयन भएका छन् ।
यसैगरी समितिको सदस्यहरुमा जानकी साह,भुवानेश्वर साह, राम कुमार साह,वसन्त साह,किसुनदेव साह,संजय साह,देव नारायण साह,रमेश साह,मिठाइलाल गुप्ता र शिव कुमार साह रहेका छन् ।
