न्यूज टुडे
राजविराज, १५भदौ ।
रसुवाको भोटेकोशीमा भदौ १० गते आएको बिनाशकारी बाढीमा परी सप्तरीका एक जनाको मृत्यु भएको छ, भने चार दर्जनबढी व्यक्ति अझै सम्पर्क विहीन रहेका छन्।नुवाकोट हाईड्रोपावरमा कामदारको रुपमा कार्यरत सप्तरीको खडक नगरपालिका ५ रञ्जितपुर निवासी संतोष चौधरीको मृत्यु भएको हो ।
बाढीबाट प्रभावित मध्ये सप्तरीका एकजनाको मृत्यु भएको तथा ४९ जना अझै सम्पर्क विहीन अवस्थामा रहेको सप्तरीका सहायक प्रमुख जिल्ला अधिकारी नरेश कुमार यादवले बताए । उनका अनुसार दुई जना भारतीय नागरिकसहित ५१ जना हालसम्म पनि सम्पर्कबिहीन छन् ।
सम्पर्कबिहीन भएका सप्तरीका १८ जना व्यक्तिहरुको उद्दार गरिएको छ भने ९ जना सम्पर्कमा आएको उनले बताए ।
सहायक प्रजिअ यादवले बाढी क्षेत्रमा रहेको हाइड्रोपावरको विभिन्न पदमा र अन्य ठाउँमा कामदारको रुपमा कार्यरत जिल्लाका ४९ र दुई जना भारतीय नागरिक सम्पर्कमा आउन नसकेको बताए ।
जिल्ला प्रशासन कार्यालय सप्तरीद्वारा जारी सूचनामा पावरहाउस रसुवा युटिए ३ ए मा कार्यरत कर्मचारी तिलाठी कोईलाडी ४ का सञ्जय साह, तिरहुत ४ डिमनका त्रिशुली बजारस्थित जेसी हाईड्रोपावरमा कार्यरत इन्जिनियर रविन्द्र कुमार यादव, अपर हाईड्रोपावर रसुवामा कार्यरत महदेवा २ का इन्द्र नारायण इसर, रसुवाकै अपर त्रिसुली २ सय १६ एमभी क्युसीमा इन्जिनियर पदमा कार्यरत राजगढ २ का राजिव कुमार सिंह सम्पर्क बिहीन रहेको छ ।
यसैगरी सप्तरीको महदेवा २ का रसुवा स्थित हाईड्रोपावरमा इन्जिनियर पदमा काम गर्दै आएको कर्मचारी देव कुमार इसर, खडक नगरपालिका ७ का नुवाकोट त्रिशुली बजारस्थित काम गर्दै आएका कामदार सुनिता राम र उनका छोरा दिवान्स राम, विष्णुपुर गाउँपालिका १ का रसुवास्थित प्राविधिक शिक्षकमा कार्यरत अजय कुमार यादव अहिले सम्म सम्पर्कमा आउन नसकेको जिल्ला प्रशासन कार्यालय सप्तरीले जनाएको छ ।
यसैगरी रसुवाकै मेलुङ्ग ५ एमभी हाइड्रोपावरमा कार्यरत कर्मचारी सुरुङ्गा नगरपालिका २ का सरोज चौधरी, रसुवा बेत्राबति बजारस्थित फेवा कञ्जक्सन कम्पनीमा काम गर्ने कामदार कञ्चनरुप नगरपालिका ६ सितापुरका अनिल विश्वकर्मा, रसुवामै सिभिल ओभरसियर पदमा कार्यरत महदेवा २ का संतोष यादव, शम्भुनाथ नगरपालिकाका रसुवास्थित मेलुङ्ग ५ एमभी हाईड्रोपावरमा काम गर्दै आएका मेकानिकल इन्जिनियर पिताम्बर प्रसाद दास, रसुवास्थित मेलुङ्ग २ सय १६ एमभी जल विधुत आयोजनामा सर्वे इन्जिनियर पदमा काम गर्दै आएका सप्तरी तिलाठी कोईलाडीका दिलिप कुमार मण्डल सम्पर्कबिहीन छन् ।
यसैगरी जिल्लाको बोदे बरसाईन नगरपालिका ८ काचन टोलका एकै परिवारका तीन दाजुभाई अहिले सम्म सम्पर्कमा आउन सकेको छैन् । रसुवाको जेसी हाईड्रोपावमा इन्जिनियर पदमा कार्यरत देबकुमार यादव, ओभरसियर पदमा कार्यरत सचिन यादव र सुपरभाइजर पदमा कार्यरत शिवकुमार यादव तीनै दाजुभाई सम्पर्कमा नआएको उनका बुवा लाल बहादुरले जानकारी दिए ।
यस्तै मा हाईड्रोपावरको ईन्जिनियर पदमा कार्यरत विष्णुपुर १ का ओमनारायण यादव, इन्जिनियर पदमा कार्यरत राजगढ ६ फकिराका विजय यादव, नुवाकोटस्थित सुरुङ्गमा काम गर्ने कामदार तिरहुत ३ हटैलका अशोक यादव, हनुमाननगर कंकालिनी १ बरमझियाका रसुवा स्थित हाईड्रोपावरमा काम गर्ने कामदार मुकेश सदा, विनोद सदा र सोही ठाउँका अर्का विनोद सदा, अपर त्रिसुलीमा हाईड्रोपावर ओभरसियर पदमा काम गर्दै आएका तिलाठी कोईलाडी २ लौनियाँका जितेन्द्र मण्डल, रसुवामै कामदारको रुपमा काम गर्दै आएका राजविराज १६ मुसहरी टोलका बेचन सदा र शिव कुमार सदा, रसुवास्थित नेपाली सेनाको श्रीनाथ गण टिमुरेमा कार्यरत राजविराज १० का रोशन कुमार यादव सम्पर्कमा आउन नसकेको जिल्ला प्रशासन कार्यालय सप्तरीले जनाएको छ ।
फेवा फेवा कन्स्ट्रक्सन, बेनी नयाँ पुल, रसुवामा कार्यरत शम्भुनाथ नगरपालिका ३ का रमेश चौधरी, हृदय नारायण चौधरी, सुरेन्द्र देव चौधरी, दिपेन्द्र चौधरी, सोही पालिकाको वडा नं. ४ का रसुवामा कार्यरत कामदार प्रेम सागर चौधरी, वडा नं. ६ कठौनाका रसुवामा निर्माणधिन हाईड्रोपावरमा कार्यरत कामदार साजन चौधरी, सोही वडाका नेपाल विद्युत प्राधिकरण अपर त्रिशुली ३ए नुवाकोटमा कार्यरत ओम प्रकाश चौधरी, वडा नं. ३ का रसुवाको जेसी हाईड्रोपावरमा काम गर्ने सुपरभाईजर त्रिभुवन कुमार मण्डल पनि सम्पर्कबिहीन छन् ।
त्यस्तै हाईड्रोपावरमा कार्यरत कामदार अग्नीसाईर कृष्णसवरण २ निवासी ललिता नारायण चौधरी, अपर त्रिशुली १ हाईड्रोपावरमा लोडर चालकमा कार्यरत सप्तकोशी ११ मलेठ निवासी देवानन्द चौधरी, हाईड्रोपावरमा कार्यरत कामदार डाक्नेश्वरी ७ मझौरा निवासी नितिश कुमार पासवान, हाईड्रोपावरमा कार्यरत कामदार डाक्नेश्वरी ७ मझौराका अकलेश कुमार पासवान, इन्जिनियर तिलाठी कोईलाडी २ का मनिष कुमार मण्डल, हाईड्रोपावरमा कार्यरत कामदार राजगढ ३ का राजिव कुमार सिंह, हाईड्रोपावरमा कार्यरत कामदार खडक १० दंग्राहीका राज पासमान, शिव कुमार पासमान, सुरज मण्डल, हेम नारायण साह, नेपाली सेनाका सुरक्षाकर्मी बोदेबर्साईन १ देवहारीका शिव कुमार यादव, सवारी चालक कंचनरुप १२ का नविन श्रेष्ठ, इन्जिनियर डाक्नेश्वरी ५ पातोका अभिनाश पण्डित, हाईड्रोपावरमा कार्यरत कामदार खडक ५ रञ्जितपुरका प्रवेश कुमार चौधरी, हाईड्रोपावरमा कार्यरत कामदार राजविराज १६ बोरियाका सुरेन सदा र होटल कामदार तिलाठी कोइलाठी ३ सकरपुराका राजमणी साह सम्पर्कबिहीन रहेको सो कार्यालयले जनाएको छ ।
यसैगरी भारत जिल्ला मधुवनी थाना लौकहा बलुवा रसुवास्थित हाईड्रोपावरमा कार्यरत कामदार सरोज कुमार गुप्ता र भारतको बिहार राज्य मधुवनी जिल्ला निवासी मेकानिकल ओभरसियर रंजित कुमार गुप्ता पनि सम्पर्कमा नआएको जिल्ला प्रशासन कार्यालय सप्तरीले आईतबार जारी गरेको सूचना उल्लेख छ ।
रसुवामा आएको बाढीमा सम्पर्कबिहीन भएका सप्तरीका १८ जना व्यक्तिहरुको उद्दार गरिएको जिल्ला प्रशासन कार्यालय सप्तरीद्वारा जारी सूचनामा जनाइएको छ ।