न्यूज टुडे
राजविराज, १७ भदौ ।
युनिटी एफसी विरेन्द्रबजारद्वारा संचालित दोश्रो नाइनसाइड पच शिल्ड फुटबल प्रतियोगिताको मंगलबार सम्पन्न खेलमा लालीगुराँश एपसी महुली मोहनपुर र मुसहर्नीय एसपी खडक नगरपालिका विजयी भएको छ। रुपनी ६ स्थित युनिटी एफसी विरेन्द्र बजारको खेलमैदानमा सम्पन्न खेलमा ट्राफिक एपसीलाई ०-२ गोले पराजित गर्दै महुली मोहनपुर र सन्जनदिप होस्पिटल राजविराजलाई ०-१ गोलान्तरले पराजित गर्दै खडक नगरपालिका मुसहर्नीया विजयी भएको हो ।
महुली मोहनपुर र ट्राफिक एपसी खैरवन वीच भएको पहिलो खेलमा खेलको दोश्रो हापको २ मीनेटमा मोहनपुरका जर्सी नम्बर ११ का विशाल तामाङले १ गोल गरि टिमलाई अगाडि बढाए । खेलको २० औ मिनेटमा मोहनपुरकै जर्सी नम्बर ९ का रुविन मगरले १ गोल थपे ।
पचास मिनेटको निर्धारित समयमा ट्राफिक एफसीले कुनैपनि गोल फर्काउन नसकेको आयोजन समितिका राम बहादुर गोलेले जानकारी दिए ।
यसैगरी मंगलबार नै सम्पन्न दोश्रो खेलमा मुसहर्नीय एपसी खडक नगरपालिका विजयी भएको छ । पहिलो हापको अन्तिम समयको २५ औ मिनेटमा मुसहर्नीयाका जर्सी नम्बर ५ का कमल चौधरीले १ गोल गरे । दुबैटिम वीच कडा प्रतिस्पर्धा भएको निर्धारित ५० औ मिनेटको खेल अवधिमा सन्जनदिप होस्पिटल राजविराजले कुनैपनि गोल गर्न सकेन ।
प्रतियोगितामा रिभरसाइड एफसी,नव बुद्ध युथ क्लब,कंकालिनी एफसी,मधेस प्रदेश प्रहरी तालिम केन्द्र,सन्जनदिप होस्पिटल राजविराज,,मुसहर्नीया एफसी, श्री सन्यासी युवा क्लब, आयोजक युनिटी एफसी ( बि),श्री बाबा धिर युवा एफसी,शम्भुनाथ एफसी,लालिगुराँश एफसी, ट्राफिक एफसी, यूनिटी एफसी विरेन्द्र बजार ( ए), जगमोहन एफसी र कंचनपुर एफसी गरि १५ टिम सहभागी रहेका छन् ।
प्रतियोगिता अन्तर्गत बुधबार समेत दुईवटा खेल हुने आयोजकले जनाएको छ । पहिलो खेल श्री सन्यासी युवा क्लब पोखरिया सप्तरी र आयोजक युनिटी एफसी विरेन्द्र बजार (वी) वीच दिनको ३ बजेदेखि सुरु हुनेछ भने दोश्रो खेल जगमोहन एफसी र कंचनपुर एफसी वीच अपराह्न ०४: १५ बजेदेखि हुने आयोजक समितिका आयूष तामाङले जानकारी दिए ।
प्रतियोगितामा विजेता टिमलाई नगद २० हजार, शिल्ड मेडल, प्रमाणपत्र तथा उपविजेता टिमलाई नगद १० हजार, कप, मेडाल प्रमाणपत्र प्रदान गरिने आयोजक समितिका अध्यक्ष रोहित मगरले जानकारी दिए ।
