नर्मदेव यादव
रुपनी, १० मंसिर ।
सप्तरीको रुपनी गाउँपालिकामा लैंङ्गिक हिंसा विरुद्ध १६ दिने अभियानको अवसरमा सोमबार अन्तरक्रिया तथा दिप प्रज्वलन गरिएको छ । प्रमुख प्रशासकीय अधिकृत तारिणी प्रसाद यादवको अध्यक्षता तथा रुपनी गाउँपालिका अध्यक्ष दिनेश कुमार यादवको प्रमुख आतिथ्यमा अन्तरक्रिया तथा दिप प्रज्वलन गरिएको हो ।
कार्यक्रममा बोल्दै प्रमुख अतिथी अध्यक्ष यादवले आफूबाट सुरुवात गरेर समाज परिबर्तन गर्न महिला अग्रसर हुनुपर्नेमा जोड दिए । महिला नै परिवर्तनको वाहक भएको बताउँदै उनले महिलाहरु मादक पदार्थको कूलतबाट टाढा बस्नुपर्नेमा जोड दिए ।
‘बालबच्चालाई कुलतबाट रोक्नु पर्छ। कम उमेरमा बिवाह गर्ने प्रथा अन्त गर्नु पर्छ’ उनले भने ।
रुपनी गाउँपालिकाद्वारा आयोजित कार्यक्रममा उपाध्यक्ष पुष्पा श्रेष्ठ लौगी, पूर्व वडा अध्यक्ष पिताम्बर यादव,स्वास्थ्कर्मी रघुनन्दन यादव लगायतले आ-आफ्नो विचार व्यक्त गरे ।
कार्यक्रम संचालन महिला शाखा प्रमुख रिता साहले गरेकी थिइन् ।
रुपनी गाउँपालिकाबाट निकालिएको र्याली बजार परिक्रमा गर्दै चोकमा पुगेर मैनबती प्रज्वन गरिएको थियो।
