न्यूज टुडे
राजविराज, १९ कात्तिक ।
श्री कंकालनी युवा क्लब सितापुरद्वारा सप्तरीको अग्नीसाइर कृष्णासवरन गाउँपालिका २ कंकालनीटोलमा संचालित तेस्रो पच शिल्ड फुटबल प्रतियोगिताको उपाधि स्टुडेन्ट फुटबल क्लब लहानले हात पारेको छ । श्री कंकालिनी खेल मैदानमा सोमबार सम्पन्न फाइनल खेलमा भंगाहा फुटबल क्लब सप्तरीलाई ट्राइबेकरमा पराजित गर्दै लहान सिरहाले उपाधिमाथि कब्जा जमाएको हो ।
८० मिनेटको खेल अवधिको पहिलो हापको १७ औं मीनेटमा बिजेता लाहनले १ गोल गरि टिमलाई अगाडि बढाए । खेलको २४ औं मीनेटमा उपविजेता भंगाहाको तर्फबाट १ गोल गरी बराबरी भए ।
कडा प्रतिस्पर्धा रहेको खेलमा दोश्रो हामको निर्धारित समयमा समेत दुबै टिमले गोल गर्न नसकेपछि पलान्टी मार्फत खेलको छिनोफानो गरिएको थियो ।
पलान्टीमा विजेता टिम लहानले ४ गोल र उपविजेता भंगाहाले ३ गोल मात्र गरेपछि ५ को विरुद्ध ४ गोलान्तरले लहान विजयी भएको आयोजक समितिले जनाएको छ ।
प्रतियोगिताको विजेता टिमलाई नगद १७ हजार ५ र उपविजेता टिमलाई १३ हजार ५ नगदसहित शिल्ड,कप, मेडल र प्रमाणपत्र प्रदान गरिएको छ ।
कंकालिनी युवा क्लब सितापुरका अध्यक्ष उमेश कुमार चौधरीको अध्यक्षतामा आयोजित कार्यक्रममा प्रमुख अतिथि गाउँपालिका अध्यक्ष दिनानाथ चौधरी, उपाध्यक्ष कल्पना कुमारी चौधरी, वडा नम्बर २ का अध्यक्ष पशुपति प्रसाद चौधरी, कार्यपालिका सदस्य श्रीकुमारी चौधरी लगायतकाले विजेता तथा उपविजेता टिमका खेलाडीहरुलाई पुरस्कार हस्तान्तरण गरे ।
चर्चित कार्यक्रम प्रस्तोता प्रवीण कुमार चौधरीद्वारा संचालित कार्यक्रममा स्वागत वडा नम्बर २ का अध्यक्ष पशुपति प्रसाद चौधरीले गरेका थिए ।