न्यूज टुडे
राजविराज, ११ कात्तिक ।
श्री कंकालनी युवा क्लब सितापुरद्वारा सप्तरीको अग्नीसाइर कृष्णासवरन गाउँपालिका २ कंकालनीटोलमा संचालित तेस्रो पच शिल्ड फुटबल प्रतियोगिता सुरु भएको छ । श्री कंकालनी खेल मैदानमा संचालित खेलको आइतबार वडा नम्बर २ का वडा अध्यक्ष पशुपति चौधरीले उद्घाटन गरेका हुन् ।
कंकालनी युवा क्लब सितापुरका अध्यक्ष उमेश कुमार यादवको अध्यक्षतामा आयोजित एक समारोहका वीच वडा अध्यक्ष चौधरीले व्यानर पढेर फुटबल प्रतियोगिताको उद्घाटन गरे ।
उद्घाटन खेलमा जण्डोल फुटबल क्लब जण्डोल विजयी भएको छ । महुली ११ फुटबल टिमलाई १-३ गोलले पराजित गर्दै जण्डोलले जीत हाँसिल गरे ।
७० मिनेटको खेल अवधिको पहिलो हापको १७ मीनेटमा महुली ११ का जर्सी नम्बर ११ का निरज चौधरीले गोल गरि टिमलाई अगाडि बढाए । खेलको २४ औं मीनेटमा जण्डोलका तर्फबाट जर्सी नम्बर ११ का प्रशान्त चौधरीले गोल गरी बराबरी भए ।
प्रहिलो हापकै ३० औं मिनेटमा जण्डोलका प्रवेश चौधरीले १ गोल गर्न सफल भएपछि जण्डोलले १ गोलेले अग्रता लिएका थिए । खेलको दोश्रो हाफको ७ औं मीनेटमा जण्डोलकै जर्सी नम्बर ५ का रोशन चौधरीले गोल गर्दै टिमलाई अग्रस्थानमै कायम राखे ।
दुबै टिम वीच कडा प्रतिस्पर्धा रहेको खेलमा महुली ११ ले थप गोल फर्काउन नसकेपछि १ को विरुद्ध ३ गोलान्तरले जण्डोल विजयी भएको आयोजकले जनाएको छ ।
प्रतियोगिताको विजेता टिमलाई नगद १७ हजार ५ र उपविजेता टिमलाई १३ हजार ५ नगदसहित शिल्ड,कप, मेडल र प्रमाणपत्र प्रदान गरिने आयोजक समितिका अध्यक्ष चौधरीले जानकारी दिए ।