न्यूज टुडे
राजविराज, १६ असोज ।
सप्तरीको राजविराज नगरपालिका वडा नम्बर ११ स्थित रहेको आधारभुत विद्यालय मोतिपुरमा बुधबार पोशाक वितरण गरिएको छ । विद्यालयद्वारा आयोजित एक समारोहका वीच छात्रछात्रालाई विद्यालय पोशाक वितरण गरिएको हो ।
विद्यार्थीलाई प्रोत्साहन गर्नका लागि छात्रवृत्ति बापतको रकममा आफुले थप व्यक्तिगत लगानी गरी विद्यालयका सम्पुर्ण छात्रछात्रालाई विद्यालय पोशाक वितरण गरेको प्रधानाध्यापक गंगा प्रसाद यादवले बताए ।
कार्यक्रममा वडा नम्बर ११ का वडा सदस्य ब्रज नारायाण यादव, प्रधानाध्यापक यादव, पत्रकार रामनाथ यादव र विद्यालयका शिक्षकहरुले छात्रछात्राहरुलाई विद्यालय पोशाक वितरण गरे ।
उक्त अवसरमा जनप्रतिनिधि, शिक्षा प्रेमी, अभिभावक तथा स्थानीय बुद्धिजीवीहरुको उपस्थिति रहेको थियो ।