न्यूज टुडे
राजविराज, १२ असोज ।
सप्तरीको राजविराजमा शुक्रबारदेखि हराएको एक ८ वर्षीय बालक मृत अवस्थामा फेला परेको छ । राजविराज नगरपालिका वड नम्बर- ८ का देव नारायण साहको ८ वर्षीय छोरा प्रिन्स साह शनिबार मृत फेला परेको हो ।
शनिबार विहान स्थानीय युवा तथा प्रहरीले खोजी तलास गर्दा बिहान उनको शव नालामा भेटेको स्थानीयले जनाएको छ ।
स्थानीयका अनुसार शुक्रबार बेलुका प्रहरी तालिम केन्द्र राजविराज छेउमा माछा मारेको हेर्न गएका अन्य व्यक्तिहरुसंग माछा मार्दै गरेको प्रिन्स बेलुकादेखि सम्पर्क विहिन भएको थियो। त्यसपछि उनको खोजि सुरु गरिएको थियो ।
मृतक बालकको शब पोष्टमार्टमका लागि राजविराज स्थित गजेन्द्रनारायण सिह अस्पताल पठाइएको तथा घटनाको थप अनुसन्धान भइरहेको प्रहरीले जनाएको छ ।
