न्यूज टुडे
राजविराज, १० असोज ।
पुर्वपश्चिम राजमार्ग अन्तर्गत सप्तरीको कोशी ब्यारेजको ३६ नम्बर ढोका अगाडिबाट यात्रुबाहक बस कोशीमा खसेको छ। पश्चिमबाट पूर्वतर्फ जाने क्रममा को १ ख ४६०१ नम्बरको नरसिंह ट्राभल्स कोशीमा खसेको हो।
विराटनगरबाट गाइघाट तर्फ जाँदै गरेको बसमा सवार १४ जना यात्रुको सकुशल उद्वार गरिएको प्रहरीले जनाएको छ।
बसमा १४ जना मात्र यात्रु सवार रहेको र उनीहरू सबैको सकुशल उद्धार गरिएको इलाका प्रहरी कार्यालय कञ्चनपुरले जनाएको छ ।
दुर्घटनामा घाइतेहरुलाई उपचारका लागि अस्पताल पठाएको तथा बस चालकलाई नियन्त्रणमा राखी घटना बारे थप अनुसन्धान भइरहेको इलाका प्रहरी कार्यालय कञ्चनपुरका प्रमुख डिएसपी महेन्द्र नेपालले जानकारी दिए ।
यात्रुहरूको विवरण संकलन भइरहेको डिएसपी नेपाल बताए ।