न्यूज टुडे
राजविराज,२० भदौ।
अनेरास्ववियू (क्रान्तिकारी) सप्तरीको अध्यक्षमा कृष्ण कुमार राम चयन भएका छन् । अनेरास्ववियुको राजविराजमा बिहीवार सम्पन्न ७औं जिल्ला सम्मेलनबाट रामको अध्यक्षतामा २५ सदस्यीय जिल्ला समिति निर्विरोध चयन भएको हो ।
गठित समितिको उपाध्यक्षद्घय विकास मण्डल,कँन्चन ठाकुर,सचिवमा सन्तोष मन्डल,सहसचिवद्घय अभैय यादव,रकिराज चौधरी चयन भएका छन् । यसैगरी समितिको सदस्यहरुमा प्रवेसराज आर्याल,पिंकी मण्डल,बबिता मण्डल,लगायत रहेका छन् ।
रन्जित मण्डलको अध्यक्षतामा तथा अनेरास्ववियू (क्रान्तिकारी)का केन्द्रिय उपमहासचिव तथा मधेस प्रदेस ईन्चार्ज अनिल भगतको प्रमुख आतिथ्यमा सम्पन्न कार्यक्रममा मविव क्याम्पस राजविराजका स्ववियु सदस्य राकेस यादव, अनेरास्ववियू (क्रान्तिकारी) सप्तरीका पुर्व जिल्ला अध्यक्ष गजेन्द्र यादव लगायतले शुभकामना मन्तव्य व्यक्त गरे।
उक्त अवसरमा अनेरास्ववियू (क्रान्तिकारी) सप्तरीका पुर्व जिल्ला अध्यक्ष गजेन्द्र यादवलाई अनेरास्ववियू (क्रान्तिकारी) सप्तरीको ७ औ जिल्ला सम्मेलनको अध्यक्षता गरेका रञ्चित मण्डलले विदाई गरेका थिए ।
अनेरास्ववियू (क्रान्तिकारी) को २३ औ सम्मेलन अगामी असोज २,३,४,५ र ६ गते काठमाण्डौमा र मधेस प्रदेस सम्मेलन आउदो भदौ २७ र २८ गते महोक्तरीको बर्दिवासमा हुने भएको जनाएको छ ।
