रामनाथ यादव
राजविराज, १८ भदौ ।
सप्तरीको हनुमाननगर कंकालिनी नगरपालिका १० स्थित इनर्वामा संचालित सप्तरी एफएमको दोश्रो वार्षिकोत्सब मनाएकाे छ । सप्तरी एफ एफका संस्थापक अध्यक्ष मनाेज कुमार मण्डलको अध्यक्षता तथा महदेवा गाउँपालिकाका अध्यक्ष सुनिल कुमार मण्डलको प्रमुख आतिथ्यमा मंगलबार आयोजित एक कार्यक्रमको विच वार्षिकोत्सब मनाइएकाे हो ।
सप्तरी मिडिया हाउस प्रालिद्वारा संचालित सप्तरी एफ एम ९८.५ मेगाहर्ज दोस्रो वर्षमा प्रवेश गरेकाे अवसरमा साँस्कृतिक कार्यक्रम , मायाकाे चिनाे वितरण तथा सम्मान कार्यक्रम आयोजना गरिएको जनाइएको छ ।
कार्यक्रममा जिल्ला प्रहरी कार्यालय राजविराजका इन्सपेकटर संताेष कुमार रसाइली, सगरमाथा अपांग संघका अध्यक्ष वलदेव मण्डल, धार्मिक कार्यक्रम प्रस्तोता वेचन प्रसाद शास्त्रीय, महादेवा गाउँपालिका स्रोत विज्ञ मावि तहका याेगेन्द्र प्रसाद मण्डल, स्रोत विज्ञ आधारभूतका पंचदेव खंग, इलाका प्रहरी कार्यालय हनुमाननगरका प्रहरी नायव निरीक्षक अनिल कुमार राय, न्यूज टुडेका रामनाथ यादव,जनमत पार्टीका महिला नेता रेखा मण्डल, शुशिला यादव, डा देवु मेहता, आनन्द कुमार यादव,प्रीति अधिकारी ,दशरथ यादव,ओम प्रकाश रजक ,रामपुल मण्डल, एफएमका कमल कुमार मण्डलघरलगायतले शुभकामना मन्तव्य व्यक्त गरे ।
घर आँगन दैनिकका प्रकाशक प्रकाश कुमार मण्डलद्वारा संचालित कार्यक्रममा स्वागत हरिवंश यादवले गरेकाे थियाे ।