न्यूज टुडे
राजविराज, १८ भदौ ।
राजविराज कारागारका महिला कैदीवन्दीहरुलाई तीज सामग्री वितरण गरिएको छ । हरितालिका तीज महोत्सव २०८१ मुल समारोह समिति सप्तरीले मंगलबार महिला कैदीवन्दीहरुलाई उक्त सामाग्री वितरण गरेको हो ।
तीज महोत्सव आयोजक मुल समारोह समितिकी संयोजक अधिवक्ता मनु खनालको अध्यक्षता तथा राजविराज नगरपालिकाकी कार्यबाहक मेयर इसरत परविनको प्रमुख आतिथ्य महिला कैदीवन्दीहरुलाई तीज सामग्री वितरण गरेको थियो ।
कैदीबन्दी महिलाहरुलाई चुरा , टीका , सिन्दुर ,पोते , मिठाई , फलफूल , फ्रुटी लगायतका सामाग्री वितरण गर्दै कार्यबाहक मेयर परविनले तीज सबै महिलाहरुको पर्व भएकालेे सबैले मनाउनु पर्नेमा जोड दिइन् । महिला कैदीवन्दीहरुलाई मनमा दुख नलिइ रमाइलो गर्न आग्रह गर्दै मेयर परविनले चांँडो तपाईंहरुको कारागार जीवन मुक्त होस भन्दै शुभकामना व्यक्त दिइन् ।
उक्त अवसरमा राजविराज नगरपालिकाकी कार्यपालिका सदस्य सोनि रजक , मन्जु खड्का, नगरपालिकाकी अधिकृत कल्पना देब ,सोडेक अध्यक्ष मिरा देब, आयोजक समितिका सदस्य अनिता देवकोटा ,पुनम पोखरेल ,गिता पाण्डे मौसमी झा लगयत समेतको उपस्थिति थियो ।
कारागार जीवन बिताउनु पर्दा चाड पर्वको मुखमा उनीहरुमा पनि खुशी छाओस भन्ने उदेश्यले १४ जना महिला कैदीवन्दीहरुलाई तीज सामाग्री वितरण गरिएको आतोजक समितिकी पुनम पोखरेलले जानकारी दिइन् ।
