न्यूज टुडे
राजविराज, २१ साउन ।
सप्तरीको अग्नीसाईर कृष्णासवरन गाउँपालिका वडा नम्बर २ चाँदनी बजारमा सोमबार करेन्ट लागेर एकजना सख्त घाइते भएका छन् । सप्तरीको अग्नीसाइर कृष्णासवरन गाउँपालिका वडा नम्बर ३ हरिहरपुरका नन्दकिशोर चौधरीको छोरा अन्दाजी बर्ष ३६ को भोले चौधरी घाइते भएका हुन् ।
चाँदनी बजारमा ग्रील कारखाना संचालन गर्दै आएका चौधरी सोही स्थानको एक घरमा ओइटीङ्ग गर्न गएको वेला दिउंँसो ०३:०० बजेको समयमा करेन्ट लागेर घाईते भएको स्थानीयले बताएका छन् । करेन्ट लागेर सख्त घाइते चौधरीलाई स्थानीयले उद्वार गरी तत्कालै उपचारका लागी अस्पताल पठाएको स्थानीय भगवती साहले बताए ।
करेन्ट लगेर घाइते छोराको राजविराज स्थित गजेन्द्रनारायण सिंह अस्पतालमा उपचार भइरहेको घाइते चौधरीका बुवा नन्दकिशोरले बताए ।
तिघ्रा तथा छेपारीमा गम्भीर चोट लागेको घाइते चौधरीको अवस्था सामान्य रहेको जनाएको छ ।