राजकुमार साह
कञ्चनपुर ,२८ जेठ ।
जिल्ला फुटबल संघ सप्तरीद्वारा संचालित सप्तरी लिग फुटबल प्रतियोगिता २०८१ को दोस्रो सेमिफाइनल खेलमा हिरोज स्पोर्टिङ क्लब बरमझिया फाइनलमा प्रवेश गरेको छ । न्यू त्रियुगा स्पोर्ट्स क्लब फत्तेपुरलाई ३ शुन्यले पराजित गर्दै बरमझिया फाइनल प्रवेश गरेको हो ।
सप्तकोसी नगरपालिका वडा नम्बर -८ स्थित ओद्राहा खेल मैदानमा भएको दोस्रो सेमिफाइनल खेलमा हिरोज स्पोर्टिङ क्लब बरमझिया र न्यु त्रियुगा कल्ब फत्तेपुर विच सोमबारको खेलमा बरमझियाले ३ – ० ( शुन्य ) ले विजयी भई फाइनलमा पुगेको छ ।
खेलको म्यान ओफ द म्याच हिरोज स्पोर्टिङ क्लबका खेलाडी राजन चौधरीले एक हजार नगद सहित कप प्राप्त गरेको छ । राजनले २ गोल गरे भने सोही टिमका खेलाडी प्रदिप चौधरीले एक गोल गरेर हिरोज स्पोर्टिङ बरमझियालाई ३ गोलले बिजयी गराएर फाइनलमा पुगेको छ ।
सोमबारकै पहिलो सेमिफाइनल खेलमा प्रोग्रेसिभ युवा क्लब ओद्राहा र डाफे युवा क्लब सिद्विपुर विचको खेलमा ओद्राहाले २-० ले डाफे युवा क्लब सिधिपुरलाई पराजित गरि फाइनलमा पुगेको छ ।
अबको फाइनल खेल ओद्राहा र बरमझिया बिच हुने छ । फाइनल खेलको मिति जेठ ३० गते तय भएपनी प्राबिधिक कारणले उक्त मितिमा नभएर अर्को मितिमा फाइनल खेल हुने प्रतियोगिता समितिको संयोजक विजय कुमार चौधरीले बताए ।
