रामनाथ यादव
राजविराज, ३० वैशाख ।
हिन्दु धर्मावलम्बी महिलाहरुले सपता विपता डाेरा पर्व दिनकर दिनानाथ एवम् रवि ब्रत गरी मनाएका छन् ।आफ्नो सन्तान र पतिको दिर्घायुको कामना गर्दै विवाहित हिन्दु महिलाहरुले आइतबार सपता-विपता डोरा पर्व मनाएका हुन् ।
याे ब्रत मंसिर महिनाकाे आइतवारवाट शुरु गरि वैशाख महिनाकाे अन्तिम आइतवार सम्पन्न गरिएको स्थानीय ब्रतालु महिला पानाे देवीले बताइन् । उनले यहाँका महिलाहरुले वर्षाै-वर्षदेखि याे ब्रत लिंदै आएको जानकारी दिइन् ।
“खास गरि विवाहित महिलाहरुले सन्तान प्राप्ती पछि याे ब्रत शुरु गरिन्छ” उनले भनिन्” आफनाे सन्तान र पतिकाे दिर्घायु ,सुख , शान्ति सधै कायम होस् भन्ने कामना गरी कठोर ब्रत लिदै भगवान दिनकर दिनानथ एवम् सूर्यकाे पूजा गरिन्छ । ”
“महिलाहरुले शुक्रबार नुहाएर खाने , शनिबार निराहार ब्रत बसी साँझ पूजापाठमा पानसुपारी,फूलअगरवती खिर,केरा , साेहारी भगवानलाई चढाएर खरना गरिन्छ” उनले भनिन् ।
ब्रत मंसिर महिनावाट सुरु गरि प्रत्येक हप्ताकाे आइतबार ब्रत बसी प्रत्येक आइतवार पाेखरीमा स्नान गरि पाेखरीमा पूजापाठ गरि अर्घ दिइ फलफूल ,ठकुवा चढाउने र घरमा खिर, ठकुवा,खजुरिया, फलफूल , आरतपात, डाेराआदि चढाएर सपता-विपता कथा सुनाएर विधि पूर्वक पूजापाठ गरि सितल मैया सितलीकाे गीत गाउँने चलन रहेको ब्रतालु महिलाहरु बताउँछन् ।
