न्यूज टुडे
राजबिराज , २८ माघ ।
सप्तरीको राजबिराज कारागारमा आइतबार एकजना कैदी झुन्डिएको अवस्थामा मृत फेला परेको छ ।
हनुमाननगर कंकालिनी नगरपालिका-६ का १९ वर्षीय देवेन्द्र मण्डल मृत फेला परेको हो।
जबरजस्ती करणी मुद्दामा पुर्पक्षका लागि कारागारमा रहेका मण्डल कारागारको शौचालयमा गम्छाको पासो लगाइ झुन्डिएको अवस्थामा फेला परेको सप्तरीका प्रहरी प्रबक्ता डिएसपी ढुण्डीराज नेउपानेले जानकारी दिए ।
घटना बारे थप अनुसन्धान भइरहेको डिएसपी नेउपानेले बताए ।
जबरजस्ती करणी मुद्दामा उनी २०८० भदौ ११ गतेदेखि पुर्पक्षका लागि कारागार चलान भएका थिए ।