न्यूज टुडे
राजविराज, १५ असार ।
मानव अधिकार निगारानी समूह राजबिराजले मंलबार एक बिपन्न महिलालाई उपचार खर्च प्रदान गरेको छ । उपचार खर्चको अभावमा घरमै बसेकी राजबिराज ९ कि सियाबती मेहतालाई समूहले घरैमा पुगेर उपचार खर्च प्रदान गरेको हो ।
शिक्षा, स्वास्थ्य, खाद्य र आवासका अधिकार संरक्षणका लागि अनौपचारिक क्षेत्र सेवा केन्द्र्र (इन्सेक) द्वारा गठित मानव अधिकार निगरानी समुहले आफ्नो बैठक खर्चबाट कटाएर उपचार अभावमा बिचल्लीलाई पाँच हजार रुपैयाँ सहयोग गरेका छन् ।
इन्सेक प्रतिनिधि मनोहर पोखरेल र समुहका सहस्यहरुका साथ पुगेका निगरानी समुहका अध्यक्ष रघुबर साहले उक्त रकम हस्तान्तरण गरे । मानव अधिकारको मुल्य र मान्यतालाई स्थापित गराउने उद्देश्यद्वारा इन्सेकले सञ्चालन गर्दै आएको स्थानीय समुदायलाई सचेत पार्दै जिम्मेवार निकायलाई जबाफदेही बनाउने (इएलपी) परियोजनाको कार्यक्रम फोकल पर्सन बरुण बस्यालले व्यक्तिगत रुपमा पाँच सय रुपियाँ प्रदान गरे ।
उपचार खर्चको अभावमा घरमै बस्नु भएकी आँखा रोगी मेहताले प्राप्त रकमले विराटनगर गई उपचार गराउने बताए । आँखा अस्पताल लहानले विराटनगर जान सल्लाह दिएको र मृगौलामा समेत समस्या देखिएको उनले जानकारी दिए । उनका श्रीमान् निगरानी समुहका सदस्य एवम् पत्रकार उपेन्द्रनारायण मेहताको गत वैशाख १३ गते मृत्यु भएको थियो ।
गाउँमै सबैभन्दा कमजोर आर्थिक अवस्थामा रहेको उनकी श्रीमान्को मृत्युपछि असहाय बनेकी स्थानीय फुलेश्वरीदेबी मेहताले बताइन् । इन्सेक सप्तरीको प्रतिनिधिको कार्यालयमा गत असार १० गते बसेको निगरानी समुहको बैठकले सहयोग रकम प्रदान गर्ने निर्णय गरेअनुसार उनकी घर पुगेर रकम हस्तान्तरण गरिएको सहजकर्ता दिपक यादवले जानकारी दिए ।