राजविराज, १० असोज। धरानमा उपचारकै क्रममा मृत्यु भएका सप्तरीका कोरोना संक्रमित राजविराज स्थित मविव क्याम्पसका प्राध्यापक रहेको खुलेको छ ।
राजविराज ४ निवासी ६३ वर्षिय सुमन सिंहको शुक्रवार राती साढे १ वजे विपी कोईराला स्वास्थ्य विज्ञान प्रतिष्ठानमा मृत्यु भएको थियो । उनी पुर्वमन्त्री चतुर्भुज प्रसाद सिंहका छोरा हुन् ।
राजविराज स्थित घरमा पति–पत्नि मात्रै वस्दै आएका सिंह लामो समयदेखि घरभित्रै वसिरहेका थिए । छिमेकीहरुले विरामी परेको आशंका गरेपनि उनले स्वास्थ्य समस्याका वारेमा कसैलाई जानकारी दिएका थिएनन्।
ज्वरो, खोकी र श्वासप्रस्वाशमा कठिनाई वढ्दै गएपछि उनी मोरङ्गको विराटनगर स्थित बिराट मेडिकल कलेजमा भर्ना भएका थिए । त्यहावाट उनलाई धरान रिफर गरिएको थियो ।
धरानमा गरिएको पिसिआर परिक्षणमा भदौ ८ गते कोरोना पुष्टि भएपछि उनलाई प्रतिष्ठानको कोभिड अस्पतालमा सारिएको थियो । भेन्टिलेटरमा राखेर उपचार गरिरहेका वेला शुक्रवार राती उनको मृत्यु भएको स्वास्थ्य कार्यालय सप्तरीका निमित्त कार्यालय प्रमुख दुनियाँलाल यादवले जानकारी दिए ।
उनलाई कुनै पनि दिर्घरोग नरहेका कोभिड अस्पताल धरानले जनाएको छ ।