राजविराज, ३ भदौ । मैथिली सिनेमा क्षेत्रका चर्चित कलाकार सङ्गीत सिंहको विहिवार राति दुर्घटनामा परि असामयिक निधन भएको छ ।
सिरहाका तेनुवापट्टी गाविस स्थित सोहपुर स्थायी घर भएका ३५ वर्षिय सिंहको उपचारको क्रममा मृत्यु हो । करिब दुई महिना अघि मोटरसाइकल दुर्घटनामा परि टाउकोमा गम्भीर चोट लागेर घाइते भई उपचार गराईरहेका थिए ।
उनले मैथिली फिल्म पिया भेल परदेशी, जियब हम अहिके लेल, भोजपुरीया नायक द वोस, नेपाली फिल्म नशा, लफङ्गासमेत गरी १३ वटा विभिन्न सिनेमाहरुमा अभिनय गरिसकेका छन् । हालै मात्रै उनले अभिनय गरेको ठूलो पर्दाको भोजपुरी फिल्म मजाक प्रदर्शनको तयारीमा रहेको छ । खलपात्रको अभिनय गर्दैआएका उनको गाउँमै दाहसंस्कार गरिएको जनाईएको छ । एक छोरा र एक छोरीका पिता सङ्गीतलाई शुक्रवार डेढ वर्षिय छोराले दागवती दिएका छन् ।