Top_Header_Right_Add

मुसहर वस्तीका युवाहरुमाथि कुटपीट

मुसहर वस्तीका युवाहरुमाथि कुटपीट

राजविराज, २० असार । सप्तरीको खडक नगरपालिका वडा नम्वर–८ मा गैरदलितको समूहद्वारा मुसहर वस्तीका युवाहरु निर्घात कुटिएका छन् ।
शुक्रबार राती १० बजेको समयमा मोटरसाइकल चढेर आएका समूहले बस्ती पसेर मुसहर केटीहरुलाई जिस्कियाउन थालेपछि विवाद उत्पन्न भएको जनाईएको छ । स्थानीय समाजसेवी एवम् लेखक राजेश विद्रोहीका अनुसार स्थानीय गङ्गा सदाले रातीको समयमा बस्तीमा पसेर छोरीचेलीहरुलाई किन जिस्कियाएको ? भन्दा उनीहरुले गंगा सदा, सुरजी देवी सदा, राकेश सदा, बुचीदेवी सदालाई कुटिएका छन् ।
बस्ती पसेकाहरुले आफूलाई निर्घात कुटपीट गरेको पीडितहरुले बताएका छन् । कुटपीट गरिरहँदा छिमेकीहरुले प्रतिकार गर्न आउँदा उनीहरूलाई समेत कुटपीट गरेको बताए । कोशील चौधरी, राकेश चौधरी, प्रकाश चौधरी, प्रदिप चौधरी, दिनेश चौधरी लगायतका व्यक्तिहरु हातमा फलामको रड र सिक्री बोकी बस्ती पसेर कुटपीट गरेको पीडितहरुको आरोप छ ।
घाइते भएकाहरुको खर्चुहिया बजार स्थित इन्द्रेणी क्लिनिकमा उपचार भईरहेको विद्रोहीले जानकारी दिएका छन् ।

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।

News Portal Web design in Saptari Offer