Top_Header_Right_Add

सबभन्दा विश्वासिलो मिडिया टेलिभिजनः सर्भेक्षण

सबभन्दा विश्वासिलो मिडिया टेलिभिजनः सर्भेक्षण

राजविराज, २३ जेठ । कोरोना महामारीको समयमा मिडियाको विश्वसनीयता सम्बन्धी एक अध्ययन र सर्भेक्षणले सबैभन्दा विश्वासिलो मिडियाको रुपमा टेलिभिजनलाई लिएको छ ।
प्रेस काउन्सिल नेपालका सदस्य एवम् पत्रकार महासंघका अध्यक्ष गोविन्द आचार्यले एक कार्यक्रमबीच हालै प्रेस काउन्सिल नेपालका कार्यवाहक अध्यक्ष किशोर श्रेष्ठलाई हस्तान्तरण गरेको प्रतिवेदनमा उल्लेख छ । लकडाउन अवधिमा सामाजिक सञ्जालसहित सबैखाले सञ्चारमाध्यमबाट के–कस्ता सामग्रीहरु सम्प्रेषित भए ? सम्प्रेषित सामग्रीको प्रभाव र विश्वसनियता कस्तो रह्यो ? समग्र मिडियाको भूमिका कस्तो रह्यो ? पत्रकार आचारसंहिता पालना र सञ्चारमाध्यमको विश्वसनीयता बढाउन के गर्नुपर्छ ? स्वास्थ्य संकटको अवस्थामा मिडियाले खेलेको भूमिका, जिम्मेवारी र मिडियाप्रतिको विश्वसनीयताका विषयमा केन्द्रित भई ११ वटा वस्तुगत प्रश्नसहित पूर्णतः बस्तुगत विधिबाट सर्भेक्षण गरिएको थियो ।
सबैभन्दा विश्वासिलो मिडिया कून हो भनेर प्रश्न गर्दा ५०५ सहभागीले सबैभन्दा विश्वासिलो मिडियाका रूपमा टेलिभिजनलाई लिएका छन् । दोस्रो र तेस्रोमा क्रमशः पत्रपत्रिका पढ्ने १८.२५ र रेडियो सुन्ने १७.६ ५ रहेको पाईएको छ । मिडियाकर्मी, कर्मचारी, प्राध्यापकरशिक्षक, कृषक, मजदुर, सुरक्षाकर्मी, व्यापारी, चिकित्सक, बैंकर्स, राजनीतिकर्मी र विद्यार्थीहरुलगायत ११ वटा पेशागत क्षेत्र, ७ वटै प्रदेश, उपत्यका गरी ८ भौगोलिक क्षेत्रभित्र रहेका सबै जिल्लाको समानुपातिक प्रतिनिधित्व हुने गरी १७६ उत्तरदाताहरु सर्भेक्षणमा सहभागिता रहेको प्रेस काउन्सिल नेपालद्वारा प्रेषित समाचारमा उल्लेख छ ।
महामारीमा सञ्चारमाध्यमको प्रयोगको अवस्थाबारे पहिचान गर्ने, आमउपभोक्ताको धारणा बुझ्ने, सञ्चारमाध्यम र पत्रकारका कमीकमजोरी पत्ता लगाई सुधारका उपायहरुवारे सुझाव दिने, अनुसन्धानबाट प्राप्त नतिजाका आधारमा काउन्सिलको आगामी नीति तथा कार्ययोजना निर्माण गर्ने उद्देश्यले अध्ययन गरिएको थियो । काउन्सिलले गरेको उक्त अनुसन्धानमा काउन्सिल सदस्य चेतनाथ धमला, उपप्रशासकीय अधिकृत रामशरण बोहरालगायतको टिम सहभागी रहेको जनाईएको छ ।
छनौट गरिएका १७६ उत्तरदाताहरूमध्ये सबैभन्दा बढी ३१.८० ५ अर्थात ५६ जना उत्तरदाताहरूले अनलाइन मिडियालाई आफ्नो दैनिक सूचना प्राप्ति गर्न पहिलो प्राथमिकतामा राखेको पाईएको छ । यसैगरी दोस्रो र तेस्रोमा क्रमश २४.४० ५ (४३ जना) सहभागीहरूले सामाजिक सञ्जाल र २२.७० ५ (४० जना) सहभागीहरूले रेडियोलाई दैनिक सूचनाको निम्ति पहिलो प्राथमिकतामा राखेका छन् । लकडाउनको अवस्थामा मात्र २.३० ५ सहभागीहरूले पत्रपत्रिकालाई आफ्नो दैनिक सूचना प्राप्तिको पहिलो प्राथमिकतामा राखेका छन् ।
सबभन्दा विश्वासिलो मिडिया कून हो भनेर प्रश्न गर्दा ५०५ सहभागीले सबैभन्दा विश्वासिलो मिडियाका रूपमा टेलिभिजनलाई लिए, दोस्रो र तेस्रोमा क्रमशः पत्रपत्रिका पढ्ने १८.२५ र रेडियो सुन्ने १७.६ ५ रहेको पाईएको छ । सहभागीहरूको सामाजिक सञ्जालप्रतिको विश्वास ज्यादै न्यून १.१५ मात्र रहेको देखिएको छ । सामाजिक संजालबाट विश्वसनिय सूचना प्रस्तुत हुन नसकेको र यी माध्यमहरूको लोकप्रियता क्रमशः घट्दै गएको तथ्य नतिजाले देखाएको प्रेस काउन्सिल श्रोतले जनाएको छ ।
प्रेस काउन्सिल श्रोतका अनुसार अनलाइन सञ्चारमाध्यमप्रतिको विश्वास पनि १३.१०५ मात्र रहेको देखिन्छ । पत्रकार आचारसंहिता पालनाको वर्तमान स्थितितर्फ हेर्दा सर्भेक्षणमा सहभागी अत्याधिक करिव ६२.५५ उत्तरदाताहरूको धारणामा मिडियाले पालना गर्नुपर्ने पत्रकार आचारसंहिता सामान्य पालना भइरहेको, करिब १४.८५ उत्तरदाताहरूको विचारमा आचारसंहिताको पूर्ण पालना भएको र १३.६५ उत्तरदाताहरूले न्यूनरूपमा पालना भइरहेको बताएका छन् । पत्रकारहरूको पेसागत आचरण र मर्यादा कायम राख्न आचारसंहिताको पूर्ण पालना हुनुपर्दछ । सहभागीमध्ये बहुसख्यकले आचारसंहिता पालनाप्रति दिएको जवाफमा प्रेस काउन्सिलले आगामी दिनमा पत्रकार आचारसंहिताबारे पत्रकारबीचमा व्यापक प्रचार–प्रसार र छलफल कार्यक्रम राख्नुककोसाथै अनुगमनमा थप जोड दिनुपर्ने उल्लेख गरेका छन् ।
आचारसंहिता उल्लङ्घनको तथ्याङ्कलाई हेर्दा करिब ९०.९५ सहभागीहरूको बुझाइमा सबैभन्दा बढी आचारसंहिता उल्लङ्घन गर्ने सञ्चारमाध्यम अनलाइन मिडिया रहेको पाइएको छ । सर्भेक्षणमा समावेश सञ्चारमाध्यममध्ये उल्लङ्घन गर्ने दोस्रोमा पत्रपत्रिका (४ प्रतिशत) र तेस्रो उल्लंघन गर्नेमा टेलिभिजन (३.४० ५ ) रहेको देखिएको छ ।
सामाजिक सञ्जालप्रतिको लोकप्रियता र विश्वसनियता तथ्यांकअनुसार सर्भेक्षणमा सहभागीहरूको विचार सामाजिक सञ्जालप्रतिको तथ्याङ्कलाई मात्रै आंकलन गर्दा लगभग ८०.७५ सर्वेक्षणमा सहभागीहरूले फेसबुकलाई पहिलो प्राथमिकता दिएको पाइन्छ भने दोस्रोमा युट्युबलाई र तेस्रोमा ट्वीटरलाई प्राथमिकतामा राखेको देखिन्छ । प्रेस काउन्सिल उल्लेख श्रोत अनुसार कस्तो पत्रकारलाई वास्तविक पत्रकारको रूपमा बुझ्नुहन्छ ? भनी मिडिया उपभोक्तालाई सोध्दा उपलब्ध उत्तरका सन्दर्भमा सहभागी अधिकांश (करिब ७२.७५) उत्तरदाताहरूले निरन्तर पत्रकारिता पेसामा संलग्न रहेका, पत्रकारिता पेसामा लामो अनुभव सँगालेका, यस पेसाप्रति समर्पित, निष्ठावान, कर्मठ, जवाफदेही, तथ्यमा आधारित विषयमा कलम चलाउने व्यक्तिहरूलाई सही (यथार्थ) पत्रकारको संज्ञा दिन मिल्ने विचार व्यक्त गरेका छन् । १९.३५५ सहभागीहरूले पत्रकारिता विषय पढेका व्यक्तिहरूलाई पत्रकार मान्न सकिने भनेका छन् । तर अधिकांश सहभागीहरूले वुम र क्यामेरा बोकेर सामाजिक सञ्जालमार्फत लाइभ प्रसारण गर्दै हिड्ने, विना लाइसेन्स रेडियो र टी.भी.मा कार्यक्रम प्रस्तुत गर्दै हिड्ने व्यक्तिहरूलाई यथार्थ पत्रकार भन्न नमिल्ने विचार राखेका छन् ।
अध्ययनको सुझाव सामाजिक सञ्जालप्रतिको जनमानसको क्षणिक मोह भएतापनि अफवाहपूर्ण सामग्री सम्प्रेषण रोक्न यसलाई नियमन गर्नकालागि राज्यबाट कुनै निकायलाई जिम्मा दिने वा कानूनी व्यवस्था हुनुपर्ने टड्कारो आवश्यकता रहेको सुझाव दिईएको छ । पत्रकारिता पेसामा लामो समयसम्म संलग्न रहेका पत्रकारहरू नै बढी नै अनुशासित, इमान्दार र मर्यादित हुने हुँदा ती पत्रकार वास्तविक पत्रकार हुन्छन् भन्ने सर्भेक्षणबाट देखिएको हुँदा पत्रकारिता पेसालाई अझ मर्यादित बनाउन प्रेस काउन्सिलको पहलकदमी हुनु आवश्यक रहेको सुझाव दिईएको छ । विश्वसनीयता बढाउनकालागि तथ्यपरकता, आधिकारिक पुष्टि पश्चात सामग्री सम्प्रेषण गर्नुका साथै व्यावसायिकताको विकासमा ध्यानपर्ने आवश्यकता औंल्याईएको छ ।
कतिपय मिडियाबाट सम्प्रेषण हुने भ्रमपूर्ण, तथ्यहीन, अफवाहपूर्ण सूचनाको प्रचारप्रसारका कारण त्रास र भयको स्थिति सिर्जना हुने, तथ्यपुष्टि बेगरको सूचना प्रवाहमा हतारो, छिट्टो बाजी मार्ने बहानामा गलत सूचना प्रवाह हुँदा समुदायले ठूलो क्षति व्यहोनुपर्ने भएकोले सञ्चारमाध्यमले तथ्यपरक, प्रमाणमा आधारित समाचारमात्र सम्प्रेषण गर्ने कुरामा संबेदनशील हुन जरूरी रहेको बताईएको छ । सामाजिक सञ्जाल र पत्रकारिताको परिभाषा अलग भए पनि पत्रकारितालाई सञ्जाल जस्तै बुझ्ने गरेको हुँदा यसबारे आम मिडिया उपभोक्ताहरूलाई स्पष्ट पार्नुपर्ने, सञ्जाललाई नियमन गर्नुपर्ने, तथ्य जाँच गर्ने र काउन्सिलले आगामी कार्ययोजना तय गर्दा यस सर्भेक्षणबाट प्राप्त सुझावलाई अबलम्बन गर्नुपर्ने सुझाव दिईएको छ ।  तस्विरः presscouncilnepal.org

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।

News Portal Web design in Saptari Offer