Top_Header_Right_Add

कोरोनाके कहरस’ कराहि रहल संसार

कोरोनाके कहरस’ कराहि रहल संसार

करुणा झा
कोरोना वायरसस’ तबाह दुनियामें फेर एकटा नव संयोजन. आई भोरस’ हन्ता वायरस ल’ कए पूरा दुनिया सशंकित भ’ उठल । दुनु वायरसके उत्पति चीनस’ । दुनु वायरसमें दुनियाके विशाल आवादीके समाप्त करबाक क्षमता छै ।
अचानक चीन आ’ वायरसके ई अन्तरसम्वन्ध देखिकए मोनमें प्रश्न स्वाभाविक जे आखिर चीन कियाक एहेन वायरस सबके प्रजनन केन्द्र बनल अछि ? विगत किछु सालके चीनके विकास देखिकए दुनियाँ अचम्भित छल । देखैत देखैत चीन दुनियाँके उत्पादन केन्द्र बनि गेल । छोटछिन दैनिक जरुरतके सामग्री होय वा इन्जिनियरिंग आ इलेक्ट्रोनिक्सके सामान सबटा सबस सस्ता दाम पर चीनमें उत्पादन होमय लागल.। स्थिति एहेन बनल जे आब देश अपना देशमें उत्पादन बन्द करि चीनस’ आयात करबाक लेल उद्योगी भेल । विस्तारवादी चीन एकर फांकमें पूरा दुनियामें अपन पैर पसार लागल. छोट छोट देशके बेसी बेसी कÞजर्Þ द’ कए ओकर सत्ता नियन्त्रण करबामें चीन अगुवा बनल ।
आई गम्भीरतास’ देखियौ त चीन के विकल्प दुनियाँ लग नै छै । विगत दू दशकस’ चीन पर आश्रित विश्व अर्थव्यवस्था अचानक धराशायी होमयवाला अछि । ककरो लग उत्पादन हेतु कच्चा माल नहि छैक आ’ नहि तकनीक उपलब्ध छै । सबटा केन्द्रित क’ चीन विश्व पर शासन करवाक दिशामें बढि चुकल छैक ।
एखन अमेरिका, ब्रिटेन, फ्रांस, जर्मनी, अस्ट्रेलिया, भारत सब कोरोनाके कहरस’ कराहि रहल अछि आ चीन एकटा पर एकटा वायरस के संप्रसारित क’ दुनियाँ के हिलौने अछि । भारतके मुश्किल जे एखन एकर पड़ोसी सबटा देश चीन के आधिपत्यमें छैक । चाहे पाकिस्तान हो वा नेपाल, बाङ्गलादेश हो या श्रीलंका । एतय तक की भूटान तक चीन के प्रभाव में जा’ चुकल अछि । सबके चीन अर्थबलस’ खरीद चुकल अछि ।
एहेन समयमें भारतके लेल बड्ड कठिन समय छैक । एक दिस कोरोना, हन्तास’ सुरक्षा दोसर दिस अर्थव्यवस्था के मजÞबूती । नव आर्थिक दृष्टिकोण आ’ प्रबल परिवर्तनके बिना ई असम्भव अछि । पूरा दुनियाँ कोरोनाके बाद कोन दिस डेग बढ़ाओत से समयके प्रतीक्षा । मुदा भारतके सर्वोच्च राजनीतिक नेतृत्वके ई तत्काल निर्णय लेबय पड़तैक जे देशके नीक कोना संभव । नहि त भविष्य संकटग्रस्त हेतैक ताहिमे कोनो दुविधा नहि । (लेखिका झा विभिन्न भाषामे कलम चलवैत छथि ।)

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।

News Portal Web design in Saptari Offer