Top_Header_Right_Add

के तपाईले आफ्नो व्यवसायिक विवरण onlinesaptari.com मा राख्‍नु भयो?

तपाईको व्यवसायिक विवरण राख्‍न वा सच्याउन info@onlinesaptari.com मा मेल वा 9804752133 मा सम्पर्क गर्नुहोला ।

बालिका अपहरणमा परेको खुलासा

प्रहरी जाहेरी दर्ता नगरेको भन्दै आफन्तद्वारा प्रदर्शन
बालिका अपहरणमा परेको खुलासा

राजविराज, १६ मंसिर । सप्तरीको राजविराज नगरपालिकाकी एक बालिका अपहरणमा परेकी छिन । प्रहरीले जाहेरी दर्ता नगरेको भन्दै सोमवार आफन्तले राजविराजमा प्रदर्शन गरेपछि वडा नम्वर ७ का देवेन्द्र साहकी १४ वर्षीया गौरी साह अपहरणमा परेको विषय बाहिरिएको हो ।
राजविराजस्थित गौतम शिशु सदन बोडिङ्ग स्कुल कक्षा ९ मा अध्ययरन बहिनीलाई राजविराजकै ३/४ जना युवाहरुले गत शनिवार साँझ (मंसिर १४ गते) नै अपहरण गरेको विषयमा जाहेरी गर्न जाँदा जाहेरी दर्ता नगरेको गौरीका दाजु गोपाल साहले बताए ।
साहका अनुसार विकास कर्ण, जयराम यादव, रुपेन्द्र यादव लगायतका युवाहरुको संलग्नतामा गौरीको अपहरण भएको हो । प्रदर्शनकै क्रममा ४/५ युवाहरुलाई प्रहरीले नियन्त्रणमा लिएको छ ।


यता, जिल्ला प्रहरी कार्यालय सप्तरीका प्रहरी निरीक्षक प्रकाश बस्नेतले सोमवारै पीडित परिवारजनको तर्फबाट खोज तलासकालागि हुलियासहितको उजुरी जिल्ला प्रहरी कार्यालयमा आएको जानकारी दिए । पिडित परिवारले सोमवार मात्रै उजुरी गर्न आएको हो, यथपी अपहरण नै भएको हो भन्ने विषय यकिन नभएपनि अनुसन्धान थालिएको हो, उनले भने ।

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।