Top_Header_Right_Add

के तपाईले आफ्नो व्यवसायिक विवरण onlinesaptari.com मा राख्‍नु भयो?

तपाईको व्यवसायिक विवरण राख्‍न वा सच्याउन info@onlinesaptari.com मा मेल वा 9804752133 मा सम्पर्क गर्नुहोला ।

तिलाठी कोईलाडीमा दुई दिनको कार्यक्रम एक दिनमै चट्ट

तिलाठी कोईलाडीमा दुई दिनको कार्यक्रम एक दिनमै चट्ट
Bwtech New Add With Software & Bull SMS

बालमैत्री स्थानीय शासन अवलम्वन तथा विस्तार सम्बन्धि स्थानीय सरोकारवालाहरुका लागी दुई दिने अनुशिक्षण कार्यक्रममा गाउँपालिकाबाट प्रकाशन गरिएको सूचना अनुसार दुई दिनको थियो । त्यसकालागि बजेट १ लाख ५० हजार रुपैयाँ रहेको थियो । यद्यपी कार्यक्रम १ दिनमै सकियो र सहभागीहरुलाई डेढ सय रुपैयाँको स्टेश्नरी हुनुपर्नेमा समेत लगभग दश रुपैयाँको डट्पेन र १० रुपैयाँमा हुने कापी दिएको छ ।

कमल कुमार मण्डल
यो तस्वीर तिलाठी कोईलाडी गाउँपालिका स्थित एक दिने पशु सेवा शाखा स्तरीय तालिमको हो । तस्वीर गाउँपालिकाको वेवसाइटबाट लिइएको हो । तालिममा प्रशिक्षकले आफ्ना कार्य जारी राखेका छन् तर, सहभागीहरु आफनै कार्यमा व्यस्त छन् । (तस्वीरमा हेर्न सक्नु हुन्छ ।) केही सहभागीहरु मात्र ध्यान दिएका छन् तर, केहीले आफ्नै गफगाफ, गीत सुन्दै तथा अर्कैअर्कै धुनमा व्यस्त छन् । यति खर्चेर पनि आखिर उपलब्धि के ? बजेट मात्र सकाउने हो कि ?
कुरा गरौं, भर्खरै विभिन्न स्थानिय तहमा लक्षित वर्ग अन्तर्गतका कार्यक्रमहरु धमाधम आयोजना हुदै छ । कतिपय स्थानिय तहमा सम्पन्न पनि भईसकेको छ । विभिन्न कार्यक्रमहरुमा १ लाख देखि ३ लाख रुपैयाँसम्म छुट्टयाइएको हुन्छ तर सहभागीहरुका अनुसार यातायात खर्चका नाममा दिइने भत्ता समेत कटौती हुन्छ । दुई दिनको कार्यक्रम एकदिनमै सकाईन्छ ।
तिलाठी कोईलाडी गाउँपालिका वडा नम्बर २ लौनियाँ स्थित बालमैत्री स्थानीय शासन अवलम्वन तथा विस्तार सम्बन्धि स्थानीय सरोकारवालाहरुका लागी दुई दिने अनुशिक्षण कार्यक्रममा गाउँपालिकाबाट प्रकाशन गरिएको सूचना अनुसार दुई दिनको थियो । त्यसकालागि बजेट १ लाख ५० हजार रुपैयाँ रहेको थियो । यद्यपी कार्यक्रम १ दिनमै सकियो र सहभागीहरुलाई डेढ सय रुपैयाँको स्टेश्नरी हुनुपर्नेमा समेत लगभग दश रुपैयाँको डट्पेन र १० रुपैयाँमा हुने कापी दिएको छ ।
अनुगमनमा पनि एकदम बडो मान्छेहरु, जान्छन् । उनीहरुका अनुसार सब ठिक हुन्छ । आखिर किन ? ३ घण्टामा लाखौंको रुपैयाँ सकिन्छ । कतिपय सहभागीहरुलाई कार्यक्रमको नाम पनि थाहा हुदैन् । गाउँपालिका र गैरसरकारी संस्था बीच सम्झौता भए अनुसार कार्यक्रम गरियो भने गैरसरकारी संस्थाकर्मीहरुलाई घाटा लाग्न सक्छ किनकि व्यापक कमिशन दिन सक्ने तथा पावर र पहुँच भएकाले मात्रै कार्यक्रम पाउँछन् ।

सम्बन्धित निकाय किन चुप रहन्छ त ? यस विषयमा सञ्चारकर्मीहरु समेत केही ध्यान दिदैन, किन ? बिना पहुँचवालाहरुसँग त वडा अध्यक्षले कार्यक्रमको बारेमा सिफारिसका लागी कुरा पनि गर्दैन । संस्थाको कागजपत्रहरु हेर्नु त दुरको कुरा हो, अध्यक्षले डाइरेक्ट नाइ भन्छन् ।
(मण्डल तिलाठी कोइलाडी गाउँपालिकाका प्रशिक्षार्थी पत्रकार हुन् ।)

Online Saptari

About The Author

%d bloggers like this: