Top_Header_Right_Add

के तपाईले आफ्नो व्यवसायिक विवरण onlinesaptari.com मा राख्‍नु भयो?

तपाईको व्यवसायिक विवरण राख्‍न वा सच्याउन info@onlinesaptari.com मा मेल वा 9804752133 मा सम्पर्क गर्नुहोला ।

हीद, वेपत्ता तथा घाइते परिवार भन्छन् ‘प्रदेश सरकारको गाई भैंसी वितरण कार्यक्रम पुर्वाग्राही’

हीद, वेपत्ता तथा घाइते परिवार भन्छन् ‘प्रदेश सरकारको गाई भैंसी वितरण कार्यक्रम पुर्वाग्राही’

राजविराज, १५ असार । प्रदेश सरकारको गाई–भैंसी वितरण कार्यक्रम पुर्वाग्राही पक्षपातपूर्ण भएको भन्दै सप्तरीका शहीद, वेपत्ता तथा घाइते परिवारले आइतवार प्रधानमन्त्रीलाई ज्ञापनपत्र पठाएका छन् ।
शहीद, वेपत्ता तथा घाइते परिवारले संयुक्त रुपमा सप्तरी प्रमुख जिल्ला अधिकारी सुरेन्द्र पौडेल मार्फत प्रधानमन्त्री, प्रदेश नम्वर २ का मुख्यमन्त्री तथा मन्त्री परिषद्को कार्यालयलाई ज्ञापनपत्र पठाएका हुन् । देश र जनताको लागि आफ्नो ज्यानको आहुती दिने वीर शहिद कुनै अमुक पार्टी र व्यक्तिका लागि नभई सम्पूर्ण देशका लागि हुन्न भन्ने मान्यतालाई वेवास्ता गरी प्रदेश नम्वर २ का भूमी व्यवस्था, कृषि तथा सहकारी मन्त्री शैलेन्द्र प्रसाद साहले मधेश आन्दोलनका शहिद तथा घाइते परिवारलाई प्रदान गरेका गाई भैंसी वितरण कार्यक्रम पुर्वाग्राही पक्षपातपूर्ण रहेको आरोप लगाईएको छ ।
कार्यक्रम मार्फत मन्त्रीले सशस्त्र द्वन्द्व र जनआन्दोलनका मृतक तथा वेपत्ता परिवारलाई उपेक्षा र भेदभावगरी मात्र मधेश आन्दोलनका नाउँमा शहिद भएकाहरुको घर परिवारलाई गाई भैंसी वितरण गरेको कार्य सम्पूर्ण द्वन्द्व पीडित र शहीदको भावनाप्रतिको अपमान भएको प्रेस विज्ञप्तिमा उल्लेख छ । उक्त प्रकृयामाथि विचार गरी सम्पूर्ण द्वन्द्व पीडित शहीद मृतक वेपत्ताप्रति समान दृष्टिकोण अपनाउन संघीय सरकार, प्रदेश नम्वर २ का सरकार तथा सम्बन्धित सबैमा शहिद, वेपत्ता तथा घाइते परिवारले अनुरोध गरेको छ ।

About The Author

लेखक यादव पत्रकारिताका साथै भाषा, साहित्य, कला, संस्कृति, पर्यटन, ऐतिहासिक एवम् पुरातात्विक क्षेत्रमा कलम चलाउँछन् (सं) ।