Top_Header_Right_Add

के तपाईले आफ्नो व्यवसायिक विवरण onlinesaptari.com मा राख्‍नु भयो?

तपाईको व्यवसायिक विवरण राख्‍न वा सच्याउन info@onlinesaptari.com मा मेल वा 9804752133 मा सम्पर्क गर्नुहोला ।

कसरी असफल नहोऊन् त अस्थायी शिक्षकहरु !

‘जब राज्यले नै फाल्नै पर्छ’ भनि नीति बनाए
कसरी असफल नहोऊन् त अस्थायी शिक्षकहरु !
Bwtech New Add With Software & Bull SMS

वि. के.एल.कर्ण
राज्यले समग्र शिक्षा क्षेत्रको सबभन्दा ठुलो बाधक अस्थायी शिक्षकहरुलाई मात्र देख्यो । हो बदलिँदो परिवेशमा शिक्षा क्षेत्रमा नयाँ जनशक्तिको खाँचो छ र थियो पनि । तर त्यसको व्यवस्थापन केवल अस्थायी शिक्षकहरुलाई बहिर्गमन गराएर मात्र हुन्छ त ? राज्यकै भाषामा भनौ भने पुराना शिक्षकहरु शिक्षा क्षेत्रमा अग्रगमनको बाधक हो रे ! त्यसो भए ति पुराना शिक्षकहरु चाहे अस्थायी हुन् वा स्थायी, उचित सेवा–सुविधा दिएर विदाई गर्नुपथ्र्याे र शिक्षा क्षेत्र सुधारको मार्ग खोल्नु पथ्र्याे । तर…उसले ललिपप पाएर स्थायी भएका पुराना स्थायी शिक्षकहरु, सिन्डिकेट खड़ा गरेका हेडसरहरु, शिक्षा कार्यालय र त्यसका कर्मचारीहरुको भूमिका, विभाग र त्यसका कर्मचारीहरुको भूमिका तथा विभेदकारी शिक्षा नीतिहरुलाई सुदृढ़ र गुणस्तरीय शिक्षाकालागि दोषी कहिल्यै देखेनन् र देख्ने आँट पनि गरेनन् । आफ्नो आलोचना नहोस र आफूप्रति औंला नठडियोस् भने डरले कमजोरीहरुलाई ढाकछोप गरी आ–आफ्ना साख बचाउन प्रहार गर्ने एउटै सहज र सरल ठाउँ उसले भेटायो । त्यो थियो अस्थायी शिक्षक, र शुरू भयो ‘एनि हाउ, अस्थायी भगाउ’ जस्ता रणनीतिहरुको कार्यान्वयन। अस्थायी शिक्षकहरुले यहि मूल षड्यन्त्र नबुझेर आज यो दुर्गतिसम्म आईपुगेको अवस्था रहेको छ । सरकारको नियत सफा थियो भने सर्वोच्चको फैसलाको कार्यान्वयन गर्नेथियो । आठौं र नवौ संशोधनसम्म आउनु नै पर्दैनथ्यो । नियमावली नै पर्याप्त थियो । नयाँ सहमती र सम्झौताको कुनै आवश्यकता नै थिएन । यदि अस्थायी शिक्षकहरु निजामती कर्मचारीहरु जस्तै एक ढिक्का थिए भने सरकारलाई उसको नीति उनीहरुका विरुद्ध प्रयोग गर्न निक्कै मुश्किल पर्ने निश्चित थियो । यो त तय नै थियो । आफ्ना नीतिहरुलाई कार्यान्वयन गर्न उसलाई कमजोर कडीकै आवश्यकता थियो । अनि शुरू भयो अस्थायी शिक्षकहरुमाथि जानाजान प्रहार गर्ने रणनीतिहरु ।
१.पहिलो त अस्थायी शिक्षकहरुलाई राजनेताहरुदेखि लिएर तथाकथित बुद्धिजीवीहरुलाई स्मरण रहोस् यी तिनै बुद्धिजीविहरु हुन् जसले परीक्षामा पनि किताब हेरेरै लेख्न दिनुपर्छ भनि सल्लाह दिन भ्याएका थिए । मिडिया जगत लगायतकाले तथानाम अपशब्दहरु प्रयोग गरी मनोबल तोड़ने काम गरियो । यसको उचित प्रतिवाद नत अस्थायी शिक्षकहरुले गर्न सके नत शिक्षकहरुका नाम मा खड़ा भएका संघ, संगठन वा महासंघले नै । उचित अभिभावकत्व पनि पाउन सकेनन् अस्थायीहरुले, हकÞ अधिकारको त कुरै छोड़ौं । अस्थायी शिक्षकहरु २०औं बर्षसम्म सेवा गर्दा अस्थायी रहिरहनुमा उनीहरुको कुनै दोष नै थिएन र छैन पनि ।
२. अर्कोतिर विद्यार्थी जगतलाई पनि खूब उचाल्ने काम भयो । विद्यार्थीहरुको आन्दोलन देखाई अस्थायी शिक्षकको मुद्दालाई निस्तेज पार्ने र छेक्ने काम सकेसम्म गरियो, जसले शिक्षण पेशा प्रति नै नैराश्यताको भाव फैलायो आम अस्थायी शिक्षकहरुका माझ । यहि बहाना देखाई आठौं र नवौं संशोधन आयो जसले आम अस्थायी शिक्षकहरुलाई बहिर्गमन गर्ने मार्ग प्रशस्त गर्यो ।
३. अर्को प्रहार स्वरूप अस्थायी शिक्षकलाई खण्डखण्डमा बाँड्ने काम भयो । गजÞबको कुरा के छ भने अस्थायी शिक्षकहरुबाट पनि उचित अनुचित बिचारै नगरी बिना दूरदर्शिताले यसलाई सहर्ष स्वीकार गरियो । यो ठीक कस्तो थियो भने ‘जस्तै काठकै बिँड भएको एउटा बन्चराले जङ्गलको काठ एक एक गरी काट्दै गर्दा पनि यी बन्चरा आफ्नै त हुन भनि स्विकार गर्नु । अनि कसो बहिर्गमन हुँदैनथ्यो अस्थायीहरुको ?
४. अनि अर्को प्रहार पाठ्यक्रममा भयो । २० बर्ष पुराना शिक्षकहरुलाई नयाँ पाठ्यक्रम दिईयो । कार्यरतको जस्तो प्रश्न पनि दिईएन । बिल्कुलै खुल्ला बिज्ञापनको जस्तो प्रश्न राखियो । पाठ्यक्रम भन्दा बाहिर गएर पनि प्रश्न राखियो । विज्ञान र गणितमा त झन अंग्रेजी र नेपाली दुबैमा प्रश्न राखिनुपर्नेमा अंग्रेजीमा मात्र राखियो । ठिकसँग प्रश्न बुझ्ने अवसरै पनि दिईएन ।
५.अर्को प्रहारको रुपमा परीक्षाको मिति अत्यंत कम समय राखेर तोकियो । विद्यालयमा कोर्स सकिनुपर्ने बेलामा २०–२२ दिनको म्याद राखि परीक्षा दिन लगाईयो । विद्यालयमा काम गर्दै आयोगको जस्तो परीक्षाको तयारी गर्नु अत्यन्त चुनौतीपूर्ण एवम कठिन काम थियो । अस्थायी शिक्षकहरुलाई परीक्षाको तैयारी गर्न अवसरै पनि दिईएन ।
६.अर्को प्रहार स्वरूप ऐनमा भएको ब्यवस्थालाई पनि व्यवहारमा लागू नगर्ने काम गरियो।७५५को नाममा ३७५र३८५सीट मात्र निर्धारण गरियो।
७. अर्को प्रहार स्वरुप शिक्षकहरुको छाता सङ्गठनबाट शिक्षकहरुको हकहितको संरक्षण गर्नु भन्दा पनि बहिर्गमन हुने नीतिहरुलाई नै सहयोग तथा पक्षपोषण गर्ने काम गरियो । स्वयं अस्थायी शिक्षकहरुको एक समूहबाट पनि पछिल्लो अस्थायीहरुको आन्दोलनलाई सहयोग गर्नुको सट्टा विपक्षमा जाने काम गरियो । जसले गर्दा कैंयन अस्थायीहरु जसले अत्यन्त छोटो समय राखेर लिन लागेको परीक्षालाई भ्रम र धोखा भनेका थिए । ती शिक्षकहरु आन्तरिक परीक्षाबाट बञ्चित पनि भए । अखिरमा आयोगले निकालेको आन्तरिकको परिणामले पनि त परीक्षा कति ठूलो भ्रम र धोखा रहेको थियो भनि प्रमाणित पनि भएको छ ।
८.अर्को प्रहार स्वरूप आयोगले निकालेको आंतरिकको नतीजा रहेको छ । शत प्रतिशतका नाममा ५०५ प्रतिशत पनि नतीजा आउन नदिने काम भएको छ । ७५५को नाममा ३७–३८५ शिक्षकहरुलाई मात्र अवसर दिने काम भएको छ । जसले गर्दा हजारौं अस्थायी शिक्षकहरु र उनीहरुका परिवारको अवस्थामा अत्यन्त विचल्ली उत्पन्न भएको छ । रोजगार बिहीन हुने अबस्था सृजना भएको छ । अहिले राजनैतिक सोच, पावर र पहुँचका आधारमा तथा शिक्षकलाई बहिर्गमन गराउन नै आयोगको परिणाम आएको भनि चौतर्फी चर्को बिरोध पनि भईरहेको छ ।
अहिले समग्र अस्थायी शिक्षकहरुको आँखा सर्वोच्च अदालतको संवैधानिक इजलाशतिर फर्केको छ । सर्वोचले उचित न्याय देला भनि दिलैदेखि आशा गरेका छन् अस्थायी शिक्षकहरुले । सर्वोच्चले सही न्याय गरून, छिटो गरुन् र आम स्थायीहरुको हकहित सुरक्षित होऊन भन्ने हाम्रो पनि हृदयदेखि कामना छ ।

Online Saptari

About The Author

%d bloggers like this: