Top_Header_Right_Add

के तपाईले आफ्नो व्यवसायिक विवरण onlinesaptari.com मा राख्‍नु भयो?

तपाईको व्यवसायिक विवरण राख्‍न वा सच्याउन info@onlinesaptari.com मा मेल वा 9804752133 मा सम्पर्क गर्नुहोला ।

विवाहका लागि प्रियंकाको अनौठो शर्तः दश हजार विरुवा लगाउनुपर्ने

विवाहका लागि प्रियंकाको अनौठो शर्तः दश हजार विरुवा लगाउनुपर्ने
Bwtech New Add With Software & Bull SMS

मध्य प्रदेशकी एक युवतीले विवाह हुनु अघि अपत्यारिलो शर्त राखेपछि सबै जिल्ल परे । प्रियंका भदोरिया नाम गरेकी युवतीले विवाह अघि ससुराली पक्ष समक्ष १० हजार विरुवा लगाउनुपर्ने शर्त राखिन् । प्रियंकाले हुनेवाला ससुराली पक्षलाई १० हजार विरुवा नलगाएसम्म विवाह नगर्ने चेतावनी सहितको शर्त राखिन् । विवाह अघि नै यस्तो अनौठो शर्त राखेपछि ससुराली पक्षका व्यक्तिहरु एकछिन अक्क न बक्क भए । तर पछि प्रियंकाको प्रस्तावलाई स्वीकार गरेपछि गत शुक्रवार धुमधामका साथ विवाह सम्पन्न भएको छ । प्रियंका भिंडको किशीपुरा गाउँ निवासी हुन् ।
हाम्रो समाजमा केटा पक्षले केटी पक्षबाट दाइजो लिने कुप्रथा रहेको छ । तर भारतको किशीपुरा क्षेत्रमा विवाह अघि दुलहीलाई सोध्ने गरिन्छ कि ‘तपाईलाई के चाहियो ?’ उक्त प्रश्नको जवाफमा सामान्यतया युवतीहरुले महँगो गहना, कपडा ईत्यादी माग्ने गर्छिन् । तर प्रियंकाले भने यो केही नमागीकन पर्यावरण जोगाउन विरुवा लगाउनुपर्ने माग राखेर भारतमै यतिबेला उनी चर्चामा छिन् ।
प्रियंकाले १० वर्षको उमेरदेखि विरुवा लगाउने कार्यमा संलग्न रहँदैआएकी छिन् । त्यसैले उनले विवाहको तिथि समेत ‘इन्टरनेशनल अर्थ डे’ कै दिन गरिन् । प्रियंकाका पति रवि चौहानले आफ्नी पत्नीको सोचबाट अत्यन्त प्रभावित भएको भन्दै खुशी व्यक्त गरेका छन् । पर्यावरणप्रति प्रियंकाको लगाव उदाहरणीय रहेको भन्दै आफुहरुले पुरा गर्ने प्रतिवद्धता समेत पति रविले व्यक्त गरेका छन् ।
दश हजार विरुवामध्ये पाँच हजार माइतीमा समेत रोपिने उनले सोच बनाएको ‘आजतक’मा समाचार छ । भारतको विभिन्न क्षेत्रमा बढ्दो सुख्खा, खडेरी र पानीको अभावलाई कम गर्न ग्रामिण स्तरबाट प्रियंकाले थालेको प्रयास सराहनीय रहेको भन्दै त्यहाँका बुद्धिजिवीहरुले प्रसंशा गरेका छन् ।
तस्विर साभारः आजतक

Online Saptari

About The Author

%d bloggers like this: