राजा जनकको आदर्श स्थापित गर्दै जनकपुरका अंग्रेजी विषयका प्राध्यापक सन्त सत्यनारायण आलोक फालेको नवजात शिशुहरुलाई आश्रम ल्याई स्याहार गरेर जिवनदान दिँदै आएका छन् ।
जनकपुरको रामानन्द चौक भन्दा पश्चिम कबिर नगरमा सन्त आलोकको आश्रम छ । जहाँ विभिन्न ठाउँमा फालिएको नवजात बच्चालाई आश्रम ल्याई पालन पोषण सन्त आलोकजीले गर्ने गर्छन् ।
आश्रममा अहिले १२ जना बच्चाहरु छन् । उक्त आश्रममा दुई बालक तथा १० जना बालिकाहरु छन् । यी सबै बच्चाहरु दुई दिनदेखि लिएर एक महिनासम्मका बच्चालाई आमाबुबाले सडक, फोहोर फाल्ने ठाउँ, झाडी, खेत आदिमा फालेको अवस्थामा भेटिएका बच्चाहरुलाई सन्त आलोकले पालनपोषण गर्दैआएका छन् । आफ्नो पापलाइ लुकाउन बच्चा फाल्ने गरेको बताइन्छ ।
आश्रममा कुनै श्रोत छैन । आलोकको परिश्रम र केही दाताले दिएको भरमा आश्रम चलिरहेको छ । सन्त आलोकले एक्लै यति ठुलो अभियानको अभिभारा लिएका छन् । साच्चै नै उनी महान व्यक्ति हुन् । सरकारको ध्यान यस आश्रममा परोस र यस आश्रमलाई उचित सहयोग गरोस । सन्त आलोकजीको यो महान कार्यलाई नमन गर्छु ।
साभारः राकेश कुमार यादवको फेसबुक वालबाट
